| e-texts navigator |
| Wylie |
62b1 དོན་རང་རིག་མངོན་སུམ་རྟོགས་པའི་ཚེ།། ངོ་སྤྱོད་ཤེས་པས་རང་ངོ་ཤེས་པ་སྟེ།། ཉམས་སུ་མྱོང་བས་རང་ལས་འབྱུང་བའི་དོན།། ཉོན་མོངས་དུག་ལྔ་ལ་སོགས་རང་གྲོལ་དུ།། འདོད་པའི་ཡོན་ཏན་ལྔ་ལ་མ་ཞེན
62b2 དང་།། ཉམས་རྟོགས་ཐམས་ཅད་རང་ལས་འབྱུང་བ་དང་།། དུས་གསུམ་དག་ཏུ་འགྱུར་བ་མེད་པ་ཡིས།། བར་དུ་གཅོད་པའི་བདུད་ཀྱིས་ཚུགས་མི་འགྱུར།། ནང་གི་རིག་པ་ཆོས་ཀྱི་སྐུ་རུ་རྟོགས།། གསལ་སྟོང་གཉིས
62b3 མེད་སྤྲོས་དང་བྲལ་བའི་གདེངས།། བར་གྱི་རྩལ་ནི་འགྱུ་བ་རང་སར་གྲོལ།། རིག་པ་ཟང་ཐལ་ཅི་སྤྱོད་ཡེ་ཤེས་སོ།། ཕྱི་ཡི་སྣང་བ་བདེ་སྡུག་རང་སར་གྲོལ།། མ་བཅོས་སྟོང་ཉིད་ཆོས་ཀྱི་དབྱིངས་སུ་གྲོལ།། རིག་པ
62b4 བསྟན་པས་རྐྱེན་རྣམས་ཐམས་ཅད་བྲལ།། དེ་ལྟར་ཤེས་ན་ལྟ་བ་རྟོགས་པའི་ཚད།། ལྟ་བ་མ་རྟོགས་པ་ཡི་སྐྱོན་བསྟན་པ།། དཔེར་ན་བྱེ་མའི་རི་ལ་མཁར་བརྩིག་འདྲ།། བྱེ་མ་ཉིལ་ནས་མཁར་སྡེ་འཇིག་པ་ལྟར།། ཡང
62b5 དག་མ་རྟོགས་བྱང་ཆུབ་ལམ་ཞུགས་པས།། གནས་སྐབས་ཙམ་ལས་མཐར་ཐུགས་འབྲས་བུ་མེད།། དེ་ཕྱིར་ལྟ་བ་མ་རྟོགས་སངས་མི་རྒྱ།། ལྟ་བའི་ངོས་འཛིན་ངོ་སྤྱོད་སྐབས་ན་གསལ།། ངོ་ཡིས་ཟིན་ན་འཕྲལ་དུ
62b6 རྟོགས་པ་འཆར།། ཅི་ཕྱིར་ཞེ་ན་ཅར་ཕོག་བསྟན་པ་ཡིན།། དེ་ཕྱིར་ངོས་འཛིན་ངོ་སྤྱོད་ཤིན་ཏུ་གཅེས།། ལྟ་བའི་དོགས་བཅད་ཤིན་ཏུ་གཅེས།། མི་མཐུན་པ་ཡི་རྐྱེན་ལས་བཟློག་པར་འགྱུར།། དེ་ཡང་རྣམ་པ་གཉིས་སུ
iiif viewer powered by OpenSeadragon
