| e-texts navigator |
| Wylie |
61b1 ཏན་ཐམས་ཅད་ལྷུན་གྱིས་གྲུབ་པ་ནི།། བསྒྲུབས་པས་གྲུབ་པ་མ་ཡིན་ཏེ།། རང་ངོ་རྟོགས་པས་ཐམས་ཅད་མཁྱེན་པར་འཆར།། དཔེར་ན་རིན་ཆེན་རྙེད་པས་དགོས་འདོད་འབྱུང་བ་ལྟར།། ལྟ་བ་མཚོན་པའི་དཔེ
61b2 བསྟན་པ།། རྒྱས་པར་བསྟན་ན་བསམ་གྱི་མི་ཁྱབ་སྟེ།། བསྡུ་ན་མཚོན་དཔེ་སུམ་ཅུ་དག་ཏུ་བསྟན།། རྣམ་པར་དག་པའི་མན་ཤེལ་དྲི་མེད་འདྲ།། ལྷུན་གྱིས་གྲུབ་པས་ནོར་བུ་རིན་ཆེན་འདྲ།། མཐའ་དང་བྲལ་བའི་ནམ
61b3 མཁའ་ཆེན་པོ་འདྲ།། ཐམས་ཅད་འབྱུང་བས་ས་གཞི་ཆེན་པོ་འདྲ།། ཉོན་མོངས་སྡིག་སྒྲིབ་བསྲེག་པས་མེ་དང་འདྲ།། མི་གཙང་ལྡན་ལྗིན་འཁྲུ་བས་ཆུ་དང་འདྲ།། གང་ལ་ཐོགས་པ་མེད་པས་རླུང་དང་འདྲ།། ངོ་བོ་མ
61b4 གྲུབ་པར་སྣང་སྟོང་བ་འདྲ།། གསལ་ལ་མི་འགག་ཉི་མའི་ཟེར་དང་འདྲ།། གསལ་ལ་མི་རྟོག་མེ་ལོང་མན་ཤེལ་རྐྱེན་འཕྲད་འདྲ།། བདེ་ལ་མི་རྟོག་བྱང་ཆུབ་སེམས་དཔའ་འདྲ།། གང་གི་སྐྱོན་གྱིས་མ་གོས་མེ་ཏོག་པདྨ
61b5 འདྲ།། ཕྱིར་མི་ལྡོག་པས་སེམས་ཅན་དུག་ཟོས་ཚེ་དང་འདྲ།། རྒྱུན་མི་འཆད་པས་ཆུ་བོའི་གཞུང་དང་འདྲ།། ངོ་བོ་གཅིག་ལ་རང་རྩལ་མི་འགག་པ།། རྒྱ་མཚོ་ཆེན་པོ་དག་ལས་རླབས་འཆར་འདྲ།། འོད་གདངས་ལྷུན
61b6 གྲུབ་མན་ཤེལ་རྐྱེན་འཕྲད་འདྲ།། ཉོན་མོངས་རང་གྲོལ་སྦྲུལ་གྱི་མདུད་པ་འདྲ།། རྟོག་པ་རང་ངོ་རང་གི་ཤེས་པ་ནི།། རྒྱལ་བུ་དམངས་ནས་རྒྱལ་སར་བཏོན་པ་འདྲ།། དུས་གསུམ་འགྱུར་བ་མེད་པས་རིན་ཆེན་གསེར
iiif viewer powered by OpenSeadragon
