| e-texts navigator |
| Wylie |
60b1 པ་གསལ་གྱུར་ན།། རང་རིག་ཆོས་ཀྱི་སྐུ་ཞེས་དེ་ལ་བྱ།། སྟོང་གསལ་མི་རྟོག་བདེ་ལྡན་པས། ཀུན་གྱི་དོན་ཤེས་རྗེས་སུ་འཛིན་པ་མེད།། རིག་པ་ཆོས་ཀྱི་སྐུ་ཞེས་དེ་ལ་བྱ།། ལྟ་བའི་བསྡུས་དོན་བསྟན་པ་འདི་ལྟར
60b2 ཡིན།། རིག་པའི་ངོ་བོ་མ་གྲུབ་སྟོང་པའི་ཆ།། དེ་ཉིད་གསལ་བར་འདུག་པས་སྟོང་གསལ་ཆེན་པོ་ཡིན།། གསལ་བ་མི་འགག་རྩལ་དུ་བསྟན་པ་ནི།། འགྱུ་བ་རྗེས་མེད་ཐམས་ཅད་མཁྱེན་པའི་རྒྱུ།། གསལ་ཆ་གཟུགས
60b3 མི་འགག་པས་འོད་ལྔའི་གདངས།། ཡུལ་ལ་འཛིན་པ་མ་ཞུགས་ཆོས་ཀྱི་དབྱིངས།། སྟོང་ཆ་གསལ་ཆ་སྣང་ཆ་འགྲུས་ཆ་བཞི།། འཛིན་མེད་དོན་གྱི་ཟིན་པས་ལྟ་བ་ཡིན།། ལྟ་བའི་དགོས་ཆེད་བསྟན་པ་ན།། ལྟ་བ་མིག
60b4 དང་འདྲ་སྟེ་ཐམས་ཅད་གསལ།། ལྟ་མེད་རྒྱུད་དག་སངས་རྒྱས་ཐོབ་མི་སྲིད།། ལྷ་མེད་མ་རིག་མུན་པ་སངས་མི་སྲིད།། ལྟ་མེད་བསྒོམ་པ་བྱས་ཀྱང་དོན་མི་འགྱུར།། ལྷ་མེད་སྤྱོད་པ་བྱས་ཀྱང་སྤྱོད་རྒྱུ་མེད།། ལྟ་མེད
60b5 འཁོར་བའི་གནས་ནས་ཐར་མི་སྲིད།། ལྟ་མེད་སྡུག་སྔལ་དག་ལས་གྲོལ་མི་སྲིད།། ལྟ་མེད་བདེ་བ་ཆེན་པོ་ཐོབ་མི་སྲིད།། དེ་ཕྱིར་ལྟ་བ་དགོས་ཆེད་ཤིན་ཏུ་ཆེ།། ལྟ་བའི་གོལ་ས་བཅད་པར་བསྟན་པ་ནི།། རང་བྱུང
60b6 ཡིན་པས་རྒྱུ་རྐྱེན་གོལ་ས་ཆོད།། སྟོང་པར་འདུག་པས་དངོས་པོའི་གོལ་ས་ཆོད།། གསལ་བར་འདུག་པས་སྟོང་པའི་གོལ་ས་ཆོད།། རིག་པ་ཟང་ཐལ་ཤར་བས་གཞི་གནས་གོལ་ས་ཆོད།། གསལ་བ་འོད་དུ་འཆར
iiif viewer powered by OpenSeadragon
