| e-texts navigator |
| Wylie |
5a1 པ།། ལྔ་བརྒྱ་ཐ་མ་དུས་ཀྱི་སྙིགས་མ་ལ།། ཉོན་མོངས་རག་པས་སྡུག་བསྔལ་དྲག་པོ་འབྱུང་།། སྡུག་བསྔལ་དྲག་པོས་དད་པ་རགས་པ་བསྐྱེད།། དད་པ་རགས་ཀྱང་རྒྱུ་འབྲས་ཆོས་ལ་སྤྱད་དབང
5a2 མེད།། དེ་དུས་བསྟན་པ་ཙམ་གྱིས་གོ་བ་ཡི།། བཀའ་རྒྱུད་ཀུན་གྱི་རྩ་བའི་མན་ངག་འདི།། གདུལ་བྱ་དྲང་ཕྱིར་སྟོན་པ་ང་ཡིས་བཤད།། དང་པོ་གཞི་ཡི་གནས་ལུགས་བསྟན་པ་དང་།། བར་དུ་བཟང་རྩལ་ངན་རྩལ
5a3 གཉིས་སུ་འཆར་ལུགས་བསྟན་པ་དང་།། ངན་རྩལ་དག་ལས་འགྲོ་ལ་ཐབས་ཐུན་མོང་ཁྱད་པར་བསྟན་པ་དང་།། གྲོལ་ནས་རྩལ་འཆར་ཐིམ་དུས་བསྟན་པའོ།། གཞི་ནི་འཁོར་འདས་གཉིས་ཀའི་གཞི་ཡིན་ཏེ།། དེ་ཡི
5a4 གནས་ལུགས་མཚོན་ལུགས་རྒྱས་པར་བཤད།། རྩལ་ནི་གཞི་ཡི་རྩལ་དེ་རྟོགས་འཁྲུལ་གཉིས།། རྟོགས་པ་ལོངས་སྐུའི་ས་ཟིན་ཐུགས་རྗེ་ཡིས།། འགྲོ་བའི་དོན་བྱས་ཆོས་སྐུ་ཉིད་དུ་ཐིམ།། མ་རྟོགས་རྩལ་ནི་འཁྲུལ
5a5 བའི་རྒྱུ་རྐྱེན་གྱིས།། ཁམས་གསུམ་འཁོར་བའི་གནས་སུ་དུག་ལྔས་རང་རྒྱུད་བསྲེག། ངན་རྩལ་དེ་ལས་བཟང་པོའི་རྩལ་དག་གིས།། སྒྲོལ་བའི་ཐབས་སུ་གཉེན་པོ་ཐེག་པའི་བྱེ་བྲག་བསྟན།། དེ་ཡང་བརྒྱད་ཁྲི་བཞི
5a6 སྟོང་ཆོས་བསྟན་ཀྱང་།། བསྡུ་ན་ཐེག་པ་རིམ་པ་དགུ་རུ་འདུས།། དེ་དག་ཀུན་གྱི་རྩ་བ་ཅར་ཕོག་རྒྱུད་ཆེན་འདི་རུ་འདུས།། འདི་ཉིད་ཁྱད་པར་གྲོལ་ཐབས་ཡིན་ཏེ་ཤིན་ཏུ་ཟབ། གྲོལ་ཟབས་འདི་ལ་ལྟ་སྒོམ་སྤྱོད་འབྲས
iiif viewer powered by OpenSeadragon
