| e-texts navigator |
| Wylie |
59b1 འཁྲུལ་པས་མ་བསྐྱེད་དང་།། ཕྱི་ཡི་འབྱུང་བ་ལྔ་ལས་མ་གྲུབ་དང་།། གང་ཟག་ལམ་པའི་བློ་ཡིས་མ་བཅོས་དང་།། སྒྲ་དང་གཏན་ཚིགས་དག་གིས་གཏན་ལ་མ་ཕབ་དང་།། སྔགས་དང་ཕྱག་རྒྱའི་བྱིན་རླབས་དག་ལས
59b2 མ་བྱུང་དང་།། རྒྱུ་ཡི་མ་བསྐྱེད་རྐྱེན་གྱིས་འཇིག་མི་འགྱུར།། མ་བཅོས་མ་བསླད་སོ་མ་རང་བྱུང་ཆེན་པོ་ཡིན།། དེ་ཕྱིར་རྒྱུ་མེད་རྒྱུ་དེ་རྒྱུ་ཡི་མཆོག། རྐྱེན་ནི་བླ་མ་དམ་པའི་གདམས་ངག་སྟེ།། ཅིའི་ཕྱིར་མན་ངག་བླ་མ
59b3 ཡིན་ཞེ་ན།། བླ་མ་དམ་པས་གདམས་ངག་བསྟན་པ་ཡིས།། རང་བྱུང་གསལ་སྟོང་གཉིས་མེད་དོན་རྟོགས་སོ།། དེ་ཕྱིར་རྐྱེན་ནི་བླ་མ་དམ་པའི་གདམས་ངག་ཡིན།། ངོ་བོ་རང་རིག་གསལ་སྟོང་གཉིས་མེད་ཡིན།། དེ
59b4 དོན་རྟོགས་པ་ལྟ་བའི་ངོ་བོ་ཡིན།། ལྟ་བའི་ངེས་ཚིག་རང་རིག་ཡེ་ཤེས་ཡིན།། གཞན་ལ་རག་མི་དགོས་པས་རང་ཞེས་བྱ།། བེམ་པོ་དག་ལས་ལོག་པས་རིག་པའོ།། དུས་ནི་གློ་བུར་མ་བྱུང་ཡེ་ཞེས་བྱ།། དེ་ཉིད་དོན
59b5 དང་ངོ་སྤྲོད་ཤེས་པ་ཡིན།། ལྟ་བའི་རང་བཞིན་གསལ་དངས་ཆེན་པོ་ཡིན།། རང་རིག་གསལ་བའི་དེ་རྩལ་འོད་ལྔར་ཤར།། རང་ནི་རང་བྱུང་རིག་པའི་དོན་ཡིན་ཏེ།། གཞི་ལས་གསལ་རྩལ་འོད་གདངས་ཤར
59b6 པའོ།། དེ་ཡི་གོང་ན་གཞན་མེད་ཆེན་པོ་ཡིན།། ལྟ་བའི་མཚན་ཉིད་ཡེ་ཤེས་ལྔ་ལྡན་ཡིན།། རང་བྱུང་རིག་པ་ཆོས་སྒྲ་དེ་ལ་ནི།། ངོ་བོ་མ་གྲུབ་སྟོང་ཉིད་ཡེ་ཤེས་ཡིན།། མ་འགགས་གསལ་བས་མེ་ལོང་ལྟ་བུའི་ཡེ་ཤེས
iiif viewer powered by OpenSeadragon
