| e-texts navigator |
| Wylie |
59a1 དང་།། སྣང་བ་རང་སར་དག་པའོ།། དཔེར་ན་ནམ་མཁའ་སྟོང་པ་ལ།། ཉི་མ་གསལ་ཞིང་འཕྱོ་བ་བཞིན།། ཡུལ་ཉིད་སྟོང་པའི་ཆོས་ཉིད་ན།། རང་རིག་ཆོས་སྐུ་གསལ་སྟོང་འཕྱོ།། གང་ཟག་རྟོགས་ལྡན
59a2 ལམ་ཞུགས་ཀྱིས།། འཁྲུལ་སྣང་འདི་ལ་དེ་བཞིན་སྦྱར།། ཐམས་ཅད་རང་ཉིད་རྟོགས་པས་གྲོལ།། རང་སར་བཞག་པའི་ལྷ་ངོས་ཟིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ལྟ་བ་རང་གི
59a3 མཚན་ཉིད་བསྟན་པའི་ལེའུ་སྟེ་ང་གསུམ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མ་འོངས་སྐལ་ལྡན་དོན་ཕྱིར་དུ།། ལྟ་བ་རང་གི་མཚན་ཉིད་དེ་ལྟར་ན།། རྒྱས་པར་བཤད་པ་ཇི་ལྟར་ལགས།། དེ་སྐད་ཅེས་ནི
59a4 ཞུས་པ་ཡིས།། རྡོ་རྗེ་འཆང་གི་བཀའ་སྩལ་པ།། ཕྱི་རབས་རྣལ་འབྱོར་དོན་ཆེད་དུ།། ལྟ་བ་རྒྱས་པ་ང་ཡིས་བཤད།། ལྟ་བའི་རྒྱུ་རྐྱེན་ངོ་བོ་དང་།། ངེས་ཚིག་རང་བཞིན་མཚན་ཉིད་དང་།། དབྱེ་བསྡུ་དགོས་ཆེད་གོལ་ས
59a5 དང་།། སྐྱོན་དག་ལྷུན་གྱིས་གྲུབ་ལུགས་དང་།། གཏན་ཚིག་མཚོན་པའི་དཔེ་དང་ནི།། རྟོགས་ཆད་མ་རྟོགས་སྐྱོན་བསྟན་དང་།། གཞན་སེལ་རང་ངོ་བཟུང་བ་དང་།། ལ་བཟླ་སྤྲོས་བྲལ་ཆེན་པོའོ།། ལྟ་བའི་རྒྱུ་ནི་རང
59a6 བྱུང་ཆེན་པོ་ཡིན།། ཅིའི་ཕྱིར་རང་བྱུང་ཆེན་པོ་ཡིན་ཞེ་ན།། རང་རིག་ཆོས་སྐུ་རང་ལ་གནས་པ་དེ།། སངས་རྒྱས་ཐུགས་རྗེ་དག་ལས་མ་བྱུང་དང་།། སེམས་ཅན་རྣམས་ཀྱི་ལས་ཀྱིས་མ་བསྐྱེད་དང་།། ནང་གི་མ་རིག
iiif viewer powered by OpenSeadragon
