| e-texts navigator |
| Wylie |
58b1 རྟོག་པས།། རྟོག་མེད་ཆོས་ཀྱི་སྐུ་ཡིན་སྟེ།། ཆོས་སྐུ་དེ་ལས་གདངས་བྱུང་བས།། ལོངས་སྤྱོད་རྫོགས་པའི་སྐུ་ཡིན་ནོ།། དེ་གཉིས་རྩལ་ནི་མི་འགག་པས།། ཐུགས་རྗེ་སྤྲུལ་པའི་སྐུ་ཞེས་བྱ།། རང་བྱུང་རིག་པའི་རྩལ
58b2 ས་པས།། སྐྲ་གསུམ་ཡོངས་སུ་དེ་ལྟར་རྫོགས།། ལྟ་བ་རང་བྱུང་རིག་པ་ལ།། ཡེ་ཤེས་ལྔ་ཡི་རྫོགས་ལུགས་ནི།། རིག་པའི་ངོ་བོ་མ་གྲུབ་པས།། སྟོང་པ་ཉིད་ཀྱི་ཡེ་ཤེས་རྫོགས།། དེ་ཉིད་མ་འགགས་གསལ་བས
58b3 ན།། མེ་ལོང་ལྟ་བུའི་ཡེ་ཤེས་རྫོགས།། དེ་ཉིད་གཉིས་མེད་མཉམ་པས་ན།། མཉམ་པ་ཉིད་ཀྱི་ཡེ་ཤེས་རྫོགས།། མ་འགགས་སོ་སོར་གསལ་བས་ན།། སོ་སོར་རྟོགས་པའི་ཡེ་ཤེས་རྫོགས།། རྩལ་ནི་སྒོ་ལྔར་བཅས
58b4 པ་ཡིས།། ཐམས་ཅད་གྲུབ་པར་གྱུར་པས་ན།། བྱ་བ་གྲུབ་པའི་ཡེ་ཤེས་རྫོགས།། རྒྱུད་དང་རྐྱེན་གྱིས་མ་བསྐྱེད་པས།། རང་བྱུང་ཡེ་ཤེས་ཞེས་བྱའོ།། རང་རིག་གཅིག་གི་ཡོན་ཏན་ཡིན།། རང་གི་རིག་པ་ཆོས་སྐུ
58b5 ལ།། ཡོན་ཏན་ཐམས་ཅད་ལྷུན་གྱིས་གྲུབ།། གང་ལ་ཐོགས་མེད་ཟང་ཐལ་ཡིན།། མན་ཤེལ་དག་པའི་དཔེ་བཞིན་དུ།། གསལ་དངས་རྟོགས་མེད་ཟང་ཐལ་ལོ།། དཔེར་ན་མར་མེ་གསལ་བ་བཞིན།། རང་གསལ་དག
58b6 གི་ངོ་བོར་ཡོད།། སྣང་བ་ཆོས་དབྱིངས་ལྟ་བ་ནི།། མཚན་མར་མ་གྲུབ་སྟོང་པ་ལ།། རིག་པ་དག་གི་རྩལ་ཤར་བས།། གདངས་དང་འོད་ཀྱི་རྣམ་པ་བྱུང་།། རང་སྣང་དག་ཏུ་ཤར་བས་ན།། རིག་པ་རང་སར་གྲོལ་བ
iiif viewer powered by OpenSeadragon
