| e-texts navigator |
| Wylie |
58a1 ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ལྟར་ལྟ་བ་བསྟན་པ་དེ།། ཕྱི་ལྟར་དབྱེ་བར་འདུག་པ་ན།། རང་གི་མཚན་ཉིད་ལྟ་བ་དེ།། མ་ནོར་ངེས་པར་བསྟན་དུ་གསོལ།། ཞེས་ཞུས་པས། རྡོ་རྗེ་འཆང
58a2 གིས་བཀའ་སྩལ་པ།། ཕྱི་རབས་དད་ལྡན་དོན་ཆེད་དུ།། རང་གི་མཚན་ཉིད་ལྟ་བ་ནི།། མ་ནོར་ངེས་པར་ངས་བཤད་ཉོན།། སྣང་བ་ཆོས་དབྱིངས་ཆོས་ཉིད་དང་།། རང་བྱུང་རང་རིག་ཆོས་ཀྱི་སྐུ།། ཝལ་གྱིས་རྟོགས
58a3 པའི་ལྟ་བ་ཡིན།། དེ་ཉིད་ཅར་གྱིས་ངོས་བཟུང་ན།། ཐ་མལ་ཤེས་པ་འདི་ཉིད་ལ།། ཧད་དེ་ས་ལེ་སོ་ལེ་བ།། ཐིག་གེ་ས་ལེ་སང་ངེ་བ།། དེ་ཉིད་རང་གི་མཚན་ཉིད་ཡིན།། རིག་པ་ཆོས་སྐུ་བཞི་ལྡན་ཡིན།། རང་གི་ངོ་བོ
58a4 མ་གྲུབ་པས།། ཆོས་ཉིད་སྟོང་པའི་ཆ་ཡིན་ནོ།། ངོ་བོ་མི་རྟོག་པ་ཞེས་བྱ།། སྟོང་པ་དེ་ཉིད་རང་གསལ་ཡིན།། རིག་པ་རང་གསལ་ཞེས་བྱ་སྟེ།། གསལ་བའི་དུས་ན་དངོས་པོ་མེད།། དངོས་མེད་དེ་ཉིད་གསལ་བར
58a5 ཤར།། གསལ་སྟོང་གཉིས་སུ་མེད་པའོ།། གསལ་བ་ལ་ནི་རྣམ་པ་གཉིས།། ཡེ་ཤེས་ལྔ་རུ་མ་འགགས་ཏེ།། དེ་ལ་གདངས་ལྔ་འོད་ལྔ་ཤར།། དེ་ཉིད་མ་རྟོགས་དུག་ལྔར་འཁྲུལ།། འོད་ལྔ་མ་རྟོགས་འབྱུང་ལྔར
58a6 འཁྲུལ།། ཡེ་ཤེས་ལྔ་པོ་མ་ཤེས་པས།། འགྱུ་བའི་རླུང་ནི་དུག་ལྔར་ཤར།། དེ་བཞིན་གཅིག་ལ་ཚང་ལུགས་ཡིན།། དེ་ལ་སྐུ་གསུམ་རྫོགས་ལུགས་ནི།། རང་བྱུང་གསལ་སྟོང་གཉིས་སུ་མེད།། དེ་གཉིས་མི་འཛིན་མི
iiif viewer powered by OpenSeadragon
