| e-texts navigator |
| Wylie |
57b1 མཁའ་དང་མི་ཕྱེད་ལྟར།། ཆོས་ཉིད་ཆོས་སྐུ་དབྱེར་མེད་དོན་གྱི་ནམ་མཁའ་ལ།། རང་ཤར་རང་སྣང་རང་གསལ་ཡེ་ཤེས་གདངས།། ལོགས་ལྟར་སྣང་ཞིང་འགགས་པ་མེད་པར་གསལ།། གསལ་ལ་རྟོག་མེད་ཡེ་ཤེས
57b2 ཆོས་ཀྱི་སྐུ།། རང་ལ་རང་སྣང་སྣོད་བཅུད་ཡེ་སངས་རྒྱས།། ལས་དང་ཐུགས་རྗེའི་མཐའ་གཉིས་རྣམ་པར་དག། ས་དང་རྣམ་ཐར་བྱང་ཆུབ་མཆོག་ལ་རིང་།། བགྲོད་དུ་མེད་དེ་ཆོས་ཉིད་བྱང་ཆུབ་མཆོག། བགྲོད་པར
57b3 འདོད་ན་ཡེ་ཤེས་མཐའ་ལ་རིང་།། མ་བསགས་བཞིན་དུ་ཚོགས་གཉིས་ཡེ་ནས་རྫོགས།། མ་སྦྱངས་བཞིན་དུ་སྒྲིབ་གཉིས་ཡེ་ནས་བྱང་།། མ་བྱུང་མ་སྐྱེས་འོད་ཀྱི་དཀྱིལ་འཁོར་ལ།། བཀོད་པ་ལྷ་ཡི་དཀྱིལ་འཁོར
57b4 བསྒོམ་མི་དགོས།། དཀྱིལ་འཁོར་ཁྲོ་གཉེར་ཆ་ལུགས་ཀྱིས།། ཁྲོ་བདག་ཆེན་པོའི་སྐུར་བསྐྱེད་ནས།། སྐུ་གསུམ་ཐུགས་ཀྱི་བཟླས་པ་དག། ཆུ་ཡི་རྒྱུན་ལྟར་བཟླས་ན་ཡང་།། རང་རིག་ཡེ་ཤེས་རྒྱབ་ཀྱི་ཕྱོགས།། ཡེ་ནས
57b5 བྱས་ཟིན་ད་གདོད་བཙལ་བ་མེད།། ཆེད་དུ་བྱར་མེད་ཆེད་དུ་དགག་ཏུ་མེད།། མར་མེའི་སྙིང་པོ་རང་གི་འོད་ལ་གནས་པ་ལྟར།། རང་རིག་ཡེ་ཤེས་རང་གི་གདངས་ལ་གནས།། འདས་དང་མ་བྱོན་ད་ལྟའི་སངས་རྒྱས
57b6 དང་།། གཉིས་མེད་རོ་གཅིག་ཆུ་ལ་ཆུ་བཞག་བཞིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། བལྟ་བ་སྤྱི་རུ་བསྟན་པའི་ལེའུ་སྟེ་ང་གཉིས་པའོ།། །། དེ་ནས་ཡང་གསང་བའི་བདག་པོས
iiif viewer powered by OpenSeadragon
