| e-texts navigator |
| Wylie |
57a1 ཡེ་ཤེས་རང་གི་གདངས་ལ་བཞུགས།། འབྱུང་བཞི་རང་བཞིན་དག་པའི་ནམ་མཁའ་ལ།། ཆོས་ཉིད་དོན་གྱི་ནམ་མཁས་ཡེ་ནས་ཁྱབ།། ཆོས་ཉིད་དོན་གྱི་ནམ་མཁའ་ལ།། རང་རིག་ཡེ་ཤེས་ཉི་མ
57a2 ཤར།། ཕྱོགས་རེས་མེད་པ་ཀུན་ཏུ་བཟང་།། ཡིད་ཀྱི་རྣམ་རྟོག་ཅི་འགྱུ་ཡང་།། མ་འགགས་རང་བཞིན་མེད་པའི་དོན།། བལྟས་ཤིང་གསལ་བའི་མཐོང་རྙེད་ལ།། ཕྱི་ནང་གཉིས་ཀ་ཕྱི་ཉིད་ནང་།། ཟབ་པའི་ཆ་ཤས
57a3 རྟོགས་ཡུལ་བྲལ།། ཕྱི་ནང་སྣོད་བཅུད་ཐམས་ཅད་ཀུན།། བྱིས་པའི་སྐྱེ་བོ་རྣམས་ལ་སྣང་མོད་ཀྱི།། ལྟ་བ་རང་རིག་ཡེ་ཤེས་དངོས་མེད་ཟང་ཐལ་བ།། དངོས་པོ་མཚན་མའི་སྒྲིབ་པ་ཡེ་ནས་རྣམ་པར་དག། ཀུན་བཟང
57a4 ཞལ་ནི་ཕྱོགས་བཅུ་ཀུན་ཏུ་གསལ།། ཡུམ་གྱི་བྷ་ག་བདེ་ཀློང་གཅིག་ཏུ་འཁྱིལ།། དེ་བས་ཁམས་གསུམ་མ་ལུས་སྤྲོས་བྲལ་ཆེན་པོར་གཅིག། ལྟ་བ་རྣམ་དག་རང་རིག་ཡེ་ཤེས་ལ།། སངས་རྒྱས་མེད་པས་སངས་རྒྱས
57a5 མིང་ཡང་མེད།། སེམས་ཅན་མེད་པས་ཁམས་དང་འབྱུང་བ་མེད།། མན་ཤེལ་སྐུ་ལྟར་རང་གི་རྒྱུད་དག་པས།། དྲི་མེད་ཟང་ཐལ་དག་པ་ཆོས་ཀྱི་སྐུ།། ས་ཆུ་མེ་རླུང་ནམ་མཁར་སྣང་བ་ཡང་།། མ་རྟོགས་བློ་ལ་ཚད
57a6 མར་སྣང་མོད་ཀྱི།། སྣང་ལ་རང་བཞིན་མེད་དེ་ཡེ་ཤེས་གདངས་སུ་གསལ།། དཔེར་ན་མཁའ་ལ་མཛའ་ཚོན་གསལ་བ་ཡང་།། མཁའ་ལས་ལོགས་ན་མེད་ཀྱང་ལོགས་པར་སྣང་།། མཁའ་ཡི་ངང་དུ་གནས་ཤིང
iiif viewer powered by OpenSeadragon
