| e-texts navigator |
| Wylie |
56b1 རང་ངོ་རང་ལ་བསྟན་སྟེ་སྤྲད་པས་འཕྲོད་པའོ།། དབྱེ་བ་ནི་བདུན་དུ་བསྟན་པ་སྟེ།། གོང་དུ་གསལ་ཞིང་རྒྱས་པར་བསྟན་པའོ།། བརྗོད་པའི་ཚིག་ནི་ངོ་སྤྲོད་ཅེས་ཀྱང་བྱ།། ངོ་བོ་མཐོང་བ་ཞེས་ཀྱང་བྱ། རང་ངོ་ཤེས་པ
56b2 ཞེས་ཀྱང་བྱ། གཞིའི་དོན་ཤེས་པ་ཞེས་ཀྱང་བྱ། རིག་པ་ཆོས་སྐུར་རྟོགས་པ་ཞེས་ཀྱང་བྱ། དོན་མ་ནོར་བར་མཐོང་བ་ཞེས་ཀྱང་བྱ། རང་གིས་མཚན་ཉིད་བསྟན་པའི་གདམས་ངག་ཅེས་ཀྱང་བྱའོ།། ཞེས་གསུངས
56b3 སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།། ངོ་སྤྲོད་འཇུག་བསྡུ་བའི་མན་ངག་གི་ལེའུ་སྟེ་ང་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ངོ་སྤྲོད་གཏན
56b4 ལ་དབབ་པ་ཡིས།། བསྟན་པའི་དོན་འདི་ཇི་ལྟར་ལགས།། ཕྱི་རབས་དོན་དུ་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། ཨ་ཀཱ་ཡ་ཏྲི་ཛྙཱ་ན་པཉྩ། ཉི་མའི་སྙིང་པོ་ལ་འོད་ཟེར་གསལ་བས། མུན་པ་གཏན་མི
56b5 གནས་པ་ཞེས་བྱ་བ་འདི་གསུངས་སོ།། བལྟར་མེད་ལྟ་བའི་དོན་བསྟན་པ།། ཨ་ཏིའི་ལྟ་བ་གཟའ་གཏད་བྲལ།། དངོས་མེད་ཡེ་ཤེས་ཟང་ཐལ་བས།། རང་རིག་ཡེ་ཤེས་ལྷུན་གྱིས་གྲུབ།། དེ་ལས་མ་རྟོགས་གཞན་མེད
56b6 པས།། སོ་སོར་རང་རིག་ཡེ་ཤེས་ལ།། ཅིར་སྣང་ཡེ་ཤེས་ཆེན་པོའི་གདངས།། ཡེ་ཉིད་བཅོམ་ལྡན་རྡོ་རྗེ་འཆང་།། དེ་བས་གཞི་སྣང་རྫོགས་སངས་རྒྱས།། སངས་རྒྱས་ཡུལ་མེད་གཟུང་འཛིན་རྣམ་པར་དག། རང་རིག
iiif viewer powered by OpenSeadragon
