| e-texts navigator |
| Wylie |
56a1 མདོར་བསྡུས་བསྟན་པ་ནི།། མཐའ་རྣམས་ཀུན་དང་མ་སྤངས་བྲལ།། མཐའ་བྲལ་ཆེན་པོ་གྱུར་པས་ན།། ཕྱོགས་སུ་ལྟུང་བ་གང་ཡང་མེད།། མ་བསྔལ་ལྷུན་གྱིས་གྲུབ་པས་ན།། རྩལ་རྣམས་གང་ཡང་མི
56a2 འགག་འཆར།། ཐམས་ཅད་མཁྱེན་པ་དེ་ལས་རྒྱུད།། རྩ་བ་གསལ་སྟོང་ཆེན་པོའོ།། རིག་པ་ཆོས་སྐུར་ངོ་སྤྲད་པས།། གཟུགས་སྐུ་གཉིས་པོ་ཤུགས་ལས་འཆར།། གཟུགས་སྐུ་གཉིས་པོ་ངོ་སྤྲད་པས།། སྐུ་གསུམ་ལྡན
56a3 གྱིས་གྲུབ་པས་ན།། ཕྱི་ཡི་ཆོས་དབྱིངས་བསྟན་པ་ནི།། སྟོང་པར་འོད་གདངས་ཤར་བའོ།། སྣང་བ་རང་སྣང་མི་འཛིན་པས།། ཆོས་དབྱིངས་ངོ་ནི་འཕྲད་པའོ།། མ་རྟོགས་འཁྲུལ་པར་རགས་པར་བརྟས།། དེ་ལ་རྟོགས
56a4 ལྡན་གང་ཟག་གིས།། རང་སྣང་འཛིན་མེད་ཆགས་པ་མེད།། གང་ཟག་རྟོགས་ལྡན་ཆོས་དབྱིངས་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཕྱི་ནང་གསང་བ་གསུམ་གྱི་ངོ་སྤྲོད
56a5 བསྟན་པའི་ལེའུ་སྟེ་ལྔ་བཅུ་པའོ།། །། རྡོ་རྗེ་འཛིན་པ་ལེགས་པར་ཟུང་ཞིག། ངོ་སྤྲོད་བདུན་གྱིས་ངོ་སྤྲད་པས།། རང་གི་མཚན་ཉིད་རྟོགས་པར་འགྱུར།། ཞེས་གསུངས་སོ།། ཀྱེ་ཀྱེ་རྡོ་རྗེ་འཆང་ཆེན་པོ།། ངོ་སྤྲོད
56a6 རྣམས་ཀྱི་ངོ་བོ་ངེས་ཚིག་དབྱེ་བ་དང་།། བརྗོད་པའི་ཚིག་རྣམས་གསུང་དུ་གསོལ།། ཞེས་ཞུས་པས།། སྟོན་པས་བཀའ་སྩལ་པ། གསང་བའི་བདག་པོ་ཉོན་ཅིག། ངོ་བོ་ནི་རང་སེམས་རང་གི་ངོ་བོའོ།། ངེས་ཚིག་ནི
iiif viewer powered by OpenSeadragon
