| e-texts navigator |
| Wylie |
55b1 འོག་ཀུན་ཏུ་ནི།། ཤིན་ཏུ་ཞིབ་པར་བསྟན་པ་སྟེ།། སྟོང་པའི་ཆ་དང་གསལ་བའི་ཆ།། གསལ་བ་རང་གསལ་དག་དང་ནི།། འགྲུས་པས་སྒོ་ལྔ་ཡུལ་ལ་གསལ།། རྗེས་སུ་མི་འཛིན་རྟོགས་པ་ཡིན།། གཟུགས་རྩལ་འོད
55b2 གདངས་དག་ཏུ་འཆར།། རང་གི་སྣང་བ་ཤར་བ་སྟེ།། དེ་ལ་མི་འཛིན་མི་རྟོག་པའོ།། རང་གི་མཚན་ཉིད་རྟོགས་པ་ཡིན།། དེ་ལྟར་ཆོས་སྐུ་གསལ་སྟོང་ལ།། སྐུ་གསུམ་ཡེ་ཤེས་ལྔ་རྫོགས་པ།། ལྟ་བའི་དམ་པ་ཁོ
55b3 ན།། གསལ་རྩལ་གང་ཡང་མི་འགག་པ།། མི་འཛིན་མི་རྟོག་མི་འབྲང་བ།། ལྟ་བའི་དམ་པ་ཁོ་ནའོ།། གསལ་བའི་རྩལ་དང་མི་ལྡན་ན།། ཞི་གནས་བརྟན་པོ་ཞི་བ་ལས།། གསལ་རྩལ་དག་གིས་བོགས་དབྱུང
55b4 སྟེ།། འོག་ནས་གོང་དུ་འཕར་བར་འགྱུར།། རྟོག་པ་གསལ་དང་བརྟན་པ་ཡིས།། ཉོན་མོངས་སྒྲིབས་པ་ཆ་ཡིས་འབྲལ།། དོན་ལ་ཆེད་དུ་སྤང་དུ་མེད།། བོགས་དང་འཕར་བ་དག་ཀྱང་མེད།། རྟོག་པ
55b5 གསལ་དང་གདེངས་ལྡན་པས།། ཉོན་མོངས་ཆ་ཡིས་འགགས་པ་ལ།། ལམ་གྱི་མིང་དུ་བཏགས་པ་ཙམ།། ཡེ་ནས་གནས་པས་གཞི་རུ་བསྟན།། འཁོར་འདས་འབྱུང་ཕྱིར་གཞི་རུ་བསྟན། དེ་དག་རང་ངོ་སྟོན་པ
55b6 ལ།། ངོ་སྤྲོད་ཞེས་སུ་སྟོན་པ་ཡིན། དེ་དོན་རྟོགས་པ་ལྟ་བ་ཡིན།། རྒྱུད་ལ་གསལ་བ་སྒོམ་པར་སྟོན།། རྒྱུན་དུ་འཁྱེར་བ་སྤྱོད་པའོ།། མངོན་གྱུར་འབྲས་བུའི་གཞི་མར་རིག། དག་པ་ཆེན་པོའི་མཐར་ཐུག་པའོ།། ལྟ་བ
iiif viewer powered by OpenSeadragon
