| e-texts navigator |
| Wylie |
54b1 བལྟ།། རེས་མོས་བལྟ་ཞིང་ནམ་མཁར་བལྟ།། མན་ཤེལ་ཉི་མའི་འོད་ཕོག་དང་།། བྲིས་སྐུ་ཁ་དོག་དབྱིབས་ལྡན་པར།། མིག་བཙུག་ལ་ནི་བལྟ་བར་བྱ།། མིག་བསྒྲིམ་ནམ་མཁའ་སྟོང་པར་བལྟ།། བྲིས་སྐུ་གང་ཡིན་ཁ
54b2 དོག་དབྱིབས།། དབང་པོ་མིག་གི་མངོན་གསུམ་དུ།། སྣང་ལ་རང་བཞིན་མེད་པ་འབྱུང་།། དེ་བཞིན་ལོངས་སྐུ་རྣམ་པ་ཡང་།། ཆོས་སྐུ་གསལ་སྟོང་གཉིས་མེད་ལ།། ཡོན་ཏན་ཡེ་ཤེས་ལྔ་རུ་སྣང་།། དེ་རྩལ་ཁ་དོག་འོད
54b3 ལྔ་ཤར།། འོད་ཉིད་ལོངས་སྐུར་བསྟན་པ་སྟེ།། འོད་ལྔ་གཅིག་ཏུ་འདྲིལ་བ་ལ།། རྣམ་པར་སྣང་མཛད་ཀུན་ཏུ་བཟང་།། ལོངས་སྐུ་ཆེན་པོར་བསྟན་པ་སྟེ།། མཚན་དང་དཔེ་བྱད་རྫོགས་པས་སྤྲས།། དེ་དག་ཕྱོགས་རེའི
54b4 ཆ་བཟུང་བ།། རིགས་ལྔ་སེམས་དཔའི་ཚོགས་སུ་བྱུང་།། དེ་དག་སྣང་ལ་རང་བཞིན་མེད།། གསལ་ལ་རྟོག་པ་མེད་པ་སྟེ།། དཔེར་ན་བར་སྣང་འཇའ་དང་འདྲ།། སྐུ་ནི་འོད་ཀྱི་སྐུ་ཡིན་ཏེ།། ཐུགས་ནི་གསལ་སྟོང་ཆོས
54b5 སྐུ་དེ།། གཉིས་མེད་རྟོག་བྲལ་ཆེན་པོ་ཡིན།། སྐུ་དང་ཐུགས་གཉིས་འདུས་པ་ལས།། རྩལ་ནི་མི་འགག་བདག་ཉིད་ཀྱི།། གདུལ་བྱ་གང་དང་མོས་ཕྱོགས་སུ།། གང་ལ་གང་འདོད་འབྱུང་བ་དེ།། སྤྲུལ་པའི་སྐུ་ཡི་གནས
54b6 ལུགས་ཡིན།། དཔེ་ནི་སྒྱུ་མ་མཁན་པོ་ཡིས།། རྫས་དང་སྔགས་ཀྱི་རྟེན་འབྲེལ་གྱིས།། ལྷས་མོའི་མི་ཡི་མིག་སྔ་རུ།། གང་འདོད་གཟུགས་སུ་ཡོད་པ་འདྲ།། དེ་བཞིན་དཔེ་ནི་སྒྱུ་མ་ཡི།། གཟུགས་བརྙན་སྣ་ཚོགས་སྣང
iiif viewer powered by OpenSeadragon
