| e-texts navigator |
| Wylie |
54a1 ཆེན་པོ།། ཕྱི་ཡི་ངོ་སྤྲོད་ཅི་ལྟར་སྤྲོད།། ནང་གི་ངོ་སྤྲོད་ཅི་ལྟར་སྤྲོད།། གསང་བའི་ངོ་སྤྲོད་ཇི་ལྟར་སྤྱོད།། དེ་དག་དཔེ་དོན་གསུང་དུ་གསོལ།། ཞེས་ཞུས་པས།། རྡོ་རྗེ་འཆང་གིས་བཀའ་སྩལ་པ།། རིག་པ
54a2 ཆོས་སྐུའི་དཔེ་བསྟན་པ།། མན་ཤེལ་ཡོངས་སུ་དག་པ་སྟེ།། གསལ་བར་ཡོད་ལ་ངོས་གཟུང་མེད་པ་བཞིན།། འོད་ཀྱི་གསལ་ཆ་ཕྱི་རུ་འབྱུང་།། བྱུང་ཡང་མན་ཤེལ་དག་པ་ལ།། རང་རྒྱུད་པ་རུ་གྲུབ་པ་མེད།། གསལ
54a3 བའི་རྩལ་ནི་གཉིས་སུ་འབྱུང་།། རིག་པའི་གསལ་ཆ་སྒོ་ལྔར་ཤར།། གཟུགས་ཀྱི་གསལ་ཆ་འོད་ལྔར་ཤར།། རིག་པའི་ངོ་བོ་མ་གྲུབ་པ།། མན་ཤེལ་རྣམ་པར་དག་པ་འདྲ།། དེ་ཉིད་མི་འགག་གསལ་བ་དེ།། མན་ཤེལ
54a4 རྣམ་པར་དག་པ་འདྲ།། གསལ་སྟོང་གཉིས་སུ་མེད་པ་ལ།། གཟུགས་སྐུ་གཉིས་སུ་འཆར་བ་དེ།། མན་ཤེལ་གསལ་བ་སྒོ་ལྔ་དང་།། འོད་ལྔ་མི་འགག་འཆར་བ་འདྲ།། རིག་པ་གསལ་སྟོང་གཉིས་སུ་མེད་པ་ལ།། སྒོ་ལྔ
54a5 མ་འགག་གསལ་བ་ནི།། ཆོས་སྐུ་སྒོ་ལྔ་ཚང་པའོ།། རིག་པའི་ཆ་ནས་ཆོས་ཀྱི་སྐུ།། འོད་ཀྱི་ཆ་ནས་ལོངས་སྐུའོ།། སྒོ་ལྔ་གསལ་བའི་ཆ་ནས་སྣ་ཚོགས་འགྱུ།། དེ་ཉིད་སྤྲུལ་པའི་སྐུ་རུ་བསྟན།། ལོངས་སྐུའི་དཔེ་བསྟན
54a6 འདི་ལྟ་སྟེ།། སྤྲིན་མེད་ཉི་མ་ཤར་བ་ལ།། མན་ཤེལ་བསྟན་ཅིང་བྲིས་སྐུ་དགྲམ།། མན་ཤེལ་ཉི་མའི་ངོས་སུ་ཕྱར།། བྲིས་སྐུ་འོད་བརྡལ་དངོས་སུ་དགྲམ།། ཤེལ་དང་བྲིས་སྐུ་གཉིས་ཀ་ལ།། མ་ཡེངས་མིག་ནི་བཙུག་ལ
iiif viewer powered by OpenSeadragon
