| e-texts navigator |
| Wylie |
53b1 ཡིན།། ངོ་སྤྱོད་རྣམ་བཞི་བྱས་པ་ཡིས།། ཡུལ་བཞི་རིམ་པར་ཤར་བའི་ཚེ།། ཤེས་པའི་དྲན་པ་རེ་རེ་སད།། སོ་སོའི་གྲུབ་མཐའ་རྫོགས་པའོ།། མཐོང་བའི་ཡུལ་ལ་ཤེས་པའི་དྲན་པ་སད།། དྲན་པ་བཞི་ཡི་ཏིང་འཛིན
53b2 རྒྱལ།། དེ་ཚེ་མངོན་པར་སངས་རྒྱས་ཤིང་།། ཞི་བ་མྱ་ངན་འདས་པས་ན།། རྣམ་པ་ཉི་ཤུས་བྱང་ཆུབ་པའོ།། དེ་ལྟར་རྟོགས་ནས་སངས་རྒྱས་པས།། རྣམ་པ་ཀུན་རིག་སངས་རྒྱས་མཆོག། ངོ་སྤྱོད་བཞི་ཡི་དགོངས་པ
53b3 ཡིན།། དེ་རྣམས་མི་ལྡན་ངོ་མ་སྤྲད་པའི་སྐྱོན།། རྡོ་རྗེ་འཆང་ཆེན་བདག་གིས་བཤད།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒུད་ཆེན་པོ་ལས། ངོ་སྤྲོད་བཞི་བསྟན་པའི་ལེའུ་སྟེ་ཞེ་དགུ་པའོ།། །། ཀྱེ་ཀྱེ
53b4 བཅོམ་ལྡན་རྡོ་རྗེ་འཆང་ཆེན་པོ།། སྐུ་གསུམ་ལྷུན་གྲུབ་ངོ་སྤྲོད་དང་།། དཔེ་དོན་རྟགས་ཀྱི་ངོ་སྤྲོད་ལ།། མདོ་རུ་བསྟན་པ་དེ་ལགས་ན།། ངོ་སྤྲོད་རྣམས་ནི་ལ་བཟླའི་ཕྱིར།། ཕྱི་ནང་གསང་གསུམ་ངོ་སྤྲོད་གསུང་དུ
53b5 གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་རྡོ་རྗེ་འཛིན་པ་སོགས།། ཕྱི་ནང་གསང་གསུམ་སོ་སོའི་ངོ་སྤྲོད་ནི།། ངོ་སྤྲོད་རྣམས་ལ་ལ་བཟླ་སྟེ།། ལྟ་བའི་དོན་དང་སྦྱར
53b6 བའོ།། དེ་ལ་ཕྱི་ཡི་ངོ་སྤྲོད་ནི།། སྣང་བ་ཆོས་དབྱིངས་ངོ་སྤྲོད་དོ།། ནང་གི་ངོ་སྤྲོད་བསྟན་པ་ནི།། གཟུགས་སྐུ་གཉིས་ཀྱི་ངོ་སྤྲོད་དོ།། གསང་བའི་ངོ་སྤྲོད་བསྟན་པ་ནི།། རིག་པ་ཆོས་སྐུར་ངོ་སྤྲོད་དོ།། ཀྱེ་ཀྱེ་རྡོ་རྗེ་འཆང
iiif viewer powered by OpenSeadragon
