| e-texts navigator |
| Wylie |
52a1 དང་།། རྟོགས་པ་མངོན་གྱུར་དག་གི་གོ་རིམ་མོ།། ཀྱེ་གསང་བའི་བདག་པོ་ལེགས་པར་ཉོན་ཅིག། དེ་ལ་གཞི་ཉིད་ལྷུན་གྲུབ་ནི།། དང་པོ་ཆོས་སྐུའི་ངོ་སྤྲོད་དང་།། དེ་ནས་ལོངས་སྐུའི་ངོ་སྤྲོད་དང་།། དེ
52a2 ནས་སྦྲུལ་སྐུའི་ངོ་སྤྲོད་བསྟན་པ་དང་།། དེ་ནས་སྐུ་གསུམ་འདུ་འབྲལ་མེད་པའོ།། སྤྲད་པའི་ཐབས་ལ་གཉིས་ཡིན་ཏེ།། བརྡ་དང་ངག་ཏུ་བསྟན་པའོ།། མཚོན་པའི་བརྡ་ལ་རྣམ་པ་བཞི།། རྡོ་རྗེ་སེམས་དཔའི་མེ་ལོང
52a3 བསྟན་པ་དང་།། འདྲ་འབག་དག་ལ་བརྟེན་པ་དང་།། འོད་ཁྱིམ་དག་ལ་བརྟེན་པ་དང་།། ཉི་མ་དག་ལ་བརྟེན་པའོ།། བརྗོད་པའི་སྒྲ་ལ་རྣམ་བཞི་སྟེ།། དང་པོ་ཆོས་སྐུ་མཚོན་པའི་ཚེ།། ཀྱེ་སྣོད་ལྡན་སློབ་མ་ངལ
52a4 ཉོན།། ཐུགས་ཀྱི་མེ་ལོང་མན་ཤེལ་འདི།། ཆོས་སྐུ་དངོས་ནི་མ་ཡིན་ཏེ།། འདི་ཉིད་ཅི་འདྲར་ཤེས་པར་བྱ།། མན་ཤེལ་ཕྱི་ནང་མེད་པ་ལྟར།། རང་གི་རིག་པ་ཆོས་སྐུ་ཡང་།། ཕྱི་ནང་མེད་པར་ཤེས་པར་བྱ།། མན་ཤེལ
52a5 མདུན་རྒྱབ་མེད་པ་ལྟར།། ཆོས་སྐུ་ཡང་ནི་མདུན་རྒྱབ་མེད།། མན་ཤེལ་ཟང་ཐལ་གསལ་བ་བཞིན།། ཆོས་སྒྲ་དྲི་མེད་དག་པ་ཟང་ཐལ་ཡིན།། འདི་ན་ནང་མེད་ནང་ན་རྐྱེན་མེད་འོད་ལྔ་གསལ་བ་ལྟར།། ཆོས་སྐུ
52a6 ཟང་ཐལ་ནང་ན་ནི།། སྐུ་གསུམ་ནང་གསལ་དུ་ནི་གནས་པ་སྟེ།། སྟོང་པ་ཡེ་ཤེས་སྙིང་པོ་ཅན་དུ་ཤེས་པར་གྱིས།། དཔེ་འདིའི་ནང་ནས་འོད་ལྔ་ཕྱི་རུ་འཆར་བ་ལྟར།། ཆོས་ཀྱི་སྐུ་ལས་གཟུགས་སྐུ་གཉིས།། གདུལ་བྱ
iiif viewer powered by OpenSeadragon
