| e-texts navigator |
| Wylie |
51b1 ཏེ།། རྒྱུ་རྐྱེན་མེད་པས་རང་བྱུང་ངོ་།། དེ་ཉིད་ཤེས་པའི་ཡེ་ཤེས་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། དུས་གསུམ་ཕྱེ་ནས་ངོ་སྤྲད་པའི་ལེའུ་སྟེ་ཞེ་བརྒྱད་པའོ།། །། དེ་ནས་ཡང
51b2 གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དུས་གསུམ་ངོ་སྤྲོད་དེ་ལགས་ན།། ངོ་སྤྲོད་རྣམ་བཞི་གསུང་དུ་གསོལ།། ཞེས་ཞུས་པས།། སྟོན་པ་རྡོ་རྗེ་འཆང་གིས་བཀའ་སྩལ་པ།། རྡོ་རྗེ་འཛིན་པ
51b3 ངེས་བཟུང་ཞིག། རང་གི་བྱད་ཀྱི་མཚན་ཉིད་ནི།། མེ་ལོང་དག་ལ་རབ་བརྟེན་ནས།། ཇི་ལྟར་གཏན་ལ་འབེབས་པ་ལྟར།། སྐུ་གསུམ་འདུ་བྲལ་མེད་པའི་དོན།། ཡེ་ནས་རང་ལ་ལྷུན་གྲུབ་པས།། བརྡའ་ཡིས་གཏན་ལ
51b4 དབབ་པར་བྱ།། ཀྱེ་གསང་བའི་བདག་པོ་ཁྱོད་ཉོན་ཅིག། ངོ་སྤྲོད་བཞི་རུ་ཤེས་པར་བྱ།། ཅིའི་ཕྱིར་ཡུལ་བཞིར་ངེས་པས་སོ།། བཞི་པོ་གང་ཡིན་ཇི་ལྟར་ཡིན།། སྐུ་ལྔ་རིན་པོ་ཆེའི་སྦུབས་དང་གཅིག། ལོངས་སྐུ་ལྔ་ལྡན
51b5 དེ་དང་གཉིས།། སྦྲུལ་སྐུའི་བར་དོ་དེ་དང་གསུམ།། སྐུ་གསུམ་འདུ་འབྲལ་མེད་པར་རྫོགས་ལྡན་ནོ།། དེ་བཞི་མི་རྫུན་ངེས་པས་ཐེ་ཚོམ་དང་བྲལ་བའོ།། བདེན་བཞིའི་ཚུལ་གྱི་རྣམ་པ་ཅན།། ངོ་སྤྲོད་བྱ་བའི་ཤེས་པ་མ
51b6 འགགས་པའོ།། རིགས་ཀྱི་བུ་ཁྱོད་ལེགས་པར་ཉོན།། གྲངས་ལྡན་གཏན་ཚིགས་བསྟན་པའོ།། བླ་མས་གདམས་ངག་སྒྲོགས་པའི་ཚེ།། གོ་རིམ་གཉིས་སུ་བསྟན་པ་ནི།། གཞི་ཉིད་ལྷུན་གྲུབ་དག་གི་གོ་རིམ
iiif viewer powered by OpenSeadragon
