| e-texts navigator |
| Wylie |
51a1 རྒྱུ་ནས་པ་བདས་མུ་ནས་རྩད་བཅད་ནས་ངོ་སྤྲོད་པའི་ལེའུ་སྟེ་ཞེ་བདུན་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དུས་གསུམ་ཕྱེ་ལ་ངོ་སྤྲད་པ།། ཐུགས་རྗེ
51a2 ཅན་གྱིས་གསུང་དུ་གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་གསང་བའི་བདག་པོ་རྡོ་རྗེ་ཅན།། དུས་གསུམ་ཕྱེ་ལ་ངོ་སྤྲད་པ།། གང་ཟག་གཅིག་གི་ཤེས་རྒྱུད་ལ།། ཤེས་པ
51a3 བསམ་གྱིས་མི་ཁྱབ་ཀྱང་།། ཤེས་པ་བཞི་རུ་འདུས་པའོ།། དུས་གསུམ་དག་གི་ཤེས་པ་དང་།། དུས་མེད་རྟོགས་པའི་ཤེས་པའོ།། དུས་གསུམ་ཤེས་པ་ངོས་བཟུང་ན།། འདས་པ་རྗེས་གཅོད་ཤེས་པ་དང་།། མ་འོངས
51a4 སྔོན་བསུ་ཤེས་པ་དང་།། ད་ལྟ་ཉིད་དུ་འཕྲོས་པ་ཡི།། སྒོ་ལྔ་ཡུལ་ལ་ཤོར་བའི་ཤེས་པའོ།། དོན་དྲན་རྟོག་གློ་བུར་ཤེས་པའོ།། འདས་པ་རྗེས་གཅོད་ཤེས་པ་ནི།། སྔར་བྱས་བློ་ལ་དྲན་པའོ།། མ་འོངས་སྔོན་བསུའི་ཤེས
51a5 པ་ནི།། ཕྱི་མ་བློ་ལ་དྲན་པའོ།། ད་ལྟ་དྲན་རྟོགས་གློ་བུར་བ།། སྒོ་ལྔ་ཡུལ་ལ་བསྐྱེད་པ་ཡིས།། དེ་བཞིན་རྟོགས་པའི་ཤེས་པའོ།། དེ་གསུམ་འཁོར་བའི་ཆོས་ཡིན་ཏེ།། དེ་གསུམ་གློ་བུར་ཤེས་པ་ཡིས།། བདག་མེད
51a6 འཛིན་གྲོལ་དུས་གསུམ་དག། མ་བྱས་མ་བཅོས་མ་སྨད་པ།། རང་བྱུང་ཡེ་ནས་གནས་པ་སྟེ།། དེ་ཉིད་ཤེས་པས་ཡེ་ཤེས་ཡིན།། དེ་ཉིད་ལྷག་གིས་ངོ་སྤྲད་པ།། ཧད་དེ་ཝ་ལེ་སལ་ལེ་བ་ཉིད།། དེ་ལས་རང་བྱུང་ཡེ་ཤེས
iiif viewer powered by OpenSeadragon
