| e-texts navigator |
| Wylie |
50b1 རྒྱུ་རྐྱེན་རྩ་བ་ནི།། འཁོར་འདས་ཀུན་གྱི་གཞིར་གྱུར་པ།། དེ་ཡི་ངོས་འཛིན་འདི་ལྟར་ཡིན།། ཧད་དེ་ས་ལེ་སོ་ལེ་བ།། དེ་ཉིད་ལས་ནི་འཁོར་འདས་ཐམས་ཅད་འབྱུང་།། གཞི་ཡི་རང་རྩལ་གཉིས་ཡིན་ཏེ།། རླུང་དང
50b2 འོད་གདངས་གཉིས་སུ་བྱུང་།། གཞི་ནི་གཡོ་འགུལ་མེད་པ་ལ།། རྩལ་ནི་མ་འགགས་རླུང་གཡོས་པས།། གཡོ་བ་ཡིས་ནི་འགྱུ་བ་བྱུང་།། འགྲུས་པའི་འོད་ཀྱི་སྣང་བ་ཚོར།། འོད་དེ་རང་སྣང་མ་ཤེས་པས།། ལྷན
50b3 གཅིག་སྐྱེས་པའི་མ་རིག་བྱུང་།། རང་སྣང་མ་ཤེས་ཡུལ་དུ་བཅད།། གཅོད་པའི་ཡིད་ཅེས་དེ་ལ་བྱ།། འོད་ལ་བརྟགས་པས་ཀུན་བརྟགས་མ་རིག་བྱུང་།། རྩལ་ནི་ཡིད་དུ་འགྱུས་པ་དེས།། རྒྱུ་ཡང་བྱས་ཏེ་རྐྱེན་ཡང
50b4 བྱས།། རྒྱུ་ཡིས་རྐྱེན་ཞེས་དེ་ལ་བྱ།། འགྱུ་བའི་ཡིད་ནི་རླུང་ཅན་དེས།། འཁོར་བ་བསྐྱེད་ནས་འཁོར་བའི་བདག་པོ་བྱེད།། མྱ་ངན་འདས་ན་དེ་ཡིས་བདག་པོ་བྱེད།། གང་བསྐྱེད་བདག་པོ་དེ་ཡིས་བྱེད།། དེ་ཡིས་རྐྱེན
50b5 བྱས་བདག་པོའི་རྐྱེན།། འགྱུ་བ་འོད་ལ་དམིགས་པའི་རྐྱེན།། དེ་ལ་འཁྲུལ་པས་བརྟགས་བྱས་ནས།། སྐད་ཅིག་དེ་མ་ཟག་པའི་རྐྱེན། དེ་ལྟར་འཁོར་བ་བསྐྱེད་པས་ཏེ།། གོང་དུ་ཤིན་ཏུ་གསལ་བར་བཤད།། གཞི་ཉིད
50b6 ངོས་འཛིན་འཕྲད་པའོ།། གཞི་ལས་གསལ་བའི་ཆོས་སྐུ་ཡིས།། སྤངས་ནས་མྱ་ངན་འདས་ལུགས་ནི།། གཞན་ནས་བསྟེན་པ་དེ་བཞིན་དུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འཁོར་བ
iiif viewer powered by OpenSeadragon
