| e-texts navigator |
| Wylie |
50a1 ནི།། དེ་མ་ཟག་པའི་སྐད་ཅིག་འཕེལ།། དེ་ཡང་དམིགས་པའི་རྐྱེན་ལས་བྱུང་།། དམིགས་པ་ཡུལ་ལ་དམིགས་པ་ཡིན།། ཡུལ་དམིགས་བདག་པོའི་རྐྱེན་ལས་བྱུང་།། བདག་པོ་ཡིད་ཀྱི་འཛིན་བཅས
50a2 ཡིན།། བདག་པོ་རྒྱུ་ཡི་རྐྱེན་ལས་བྱུང་།། རླུང་གིས་ཡིད་འགྲུས་རྒྱུ་ཡི་རྐྱེན།། འཁོར་བའི་རྒྱུ་གཉིས་འདི་ལྟ་སྟེ།། མ་རིག་རྣམ་པ་གཉིས་ཡིན་ཏེ།། ཀུན་བརྟགས་མ་རིག་འོད་ལྔ་བརྟགས་པས་བརྟས།། ལྷན་སྐྱེས
50a3 གསལ་ཆ་འོད་ལྔར་སྣང་བ་ལ།། རང་སྣང་ཡིན་པར་ངོ་མ་ཤེས་པའོ།། དེ་དག་འགྱུ་བས་ཡིད་བཞི་བསྐྱེད།། གཡོ་དང་འགྱུ་དང་ཚོར་བ་དང་།། གཅོད་པ་ཡི་ནི་ཡིད་བཞི་ནི།། མ་རིག་རྒྱུ་རྐྱེན་དེ་ལས་བྱུང་།། སྤྱོད་པ
50a4 འོད་ལས་ཡུལ་དུ་སྤྱོད།། ཚོར་བ་འོད་ཀྱི་སྣང་བ་ཚོར།། འགྱུ་བ་རླུང་གིས་རིག་རྩལ་འགྱུས།། གཡོ་བ་གཞི་ནི་རླུང་གིས་གཡོས།། རླུང་ནི་རང་གི་རིག་པའི་རྩལ།། རླུང་གི་མཚན་ཉིད་འགྱུ་བ་སྟེ།། རིག་པའི་རྩལ་ནི
50a5 འགྲུ་བའི་རླུང་།། རླུང་ལས་འབྱུང་ལྔ་ལྷུན་གྱིས་གྲུབ།། རླུང་དེ་སྡུད་པས་ཆུ་ཡིན་ནོ།། རླུང་དུ་སྨིན་པས་མེ་ཡིན་ནོ།། རླུང་དུ་བརྟས་པས་ས་ཡིན་ནོ།། རེ་རེ་དག་ལ་རྫོགས་པའོ།། རིག་པ་ཡེ་ཤེས་ལྔ་ལྡན་དེའི།། རྩལ་ནི
50a6 གདངས་ལྔ་འོད་ལྔ་ཤར།། དེ་དག་ཕྱི་ཡི་ཡུལ་དུ་བརྟགས།། གཞི་ཉིད་རྒྱས་པར་བཤད་པ་སྟེ།། རྒྱུད་ཀྱིས་སྟོན་ནས་གསལ་བར་བཤད།། ངེས་བཟུང་འདི་རུ་བསྟན་པ་སྟེ།། ངོ་སྤྱོད་ཅར་གྱིས་བསྟན་པ་སྟེ།། ཡིད་དང
iiif viewer powered by OpenSeadragon
