| e-texts navigator |
| Wylie |
4a1 ནས།། དེ་རྣམས་རྟོགས་པའི་གདམས་ངག་ཆེད་པོ་རུ།། ཚིག་དང་དོན་གཉིས་དུས་གཅིག་སྟོན་པ་ཡི།། བཀླགས་པས་ཤེས་ཤིང་བསྟན་པས་གོ་བའི་ཆོས།། རིན་ཆེན་ཀུན་འབྱུང་སྤྲོས་བྲལ་དོན་གསལ
4a2 གྱི།། མན་ངག་བཤད་པའི་རྒྱུད་ཆེན་བཤད་པར་ཞུ།། སྔར་འདས་ཤཱཀ་ཐུབ་ལ་སོགས་སྟོན་པ་ཡིས།། རྒྱུད་དྲུག་ཉོན་མོངས་ཀུན་གྱི་གཉེན་པོ་རུ།། ཐེག་དགུ་ལ་སོགས་བརྒྱད་ཁྲི་བཞི་སྟོང་རྣམས།། རིག་པ་ཅར་ཕོག
4a3 དག་ཏུ་བསྟན་པ་མེད།། རང་རིག་ཅར་ཕོག་དག་ཏུ་བསྟན་པར་ཞུ།། ཐུགས་རྗེ་མངའ་བདག་རྡོ་རྗེ་འཆང་ཆེན་གྱིས།། དུས་ཀྱི་སྙིགས་མའི་གདུལ་བྱའི་དོན་ཆེད་དུ།། ཐོས་བསམ་སྒོམ་ལ་རག་མ་ལས་པ་ཡིས།། རང
4a4 རིག་སྙིང་པོ་སྤྲོས་དང་བྲལ་བའི་དོན།། ཅིག་ཆར་ཅར་ཕོག་དག་ཏུ་བསྟན་པར་ཞུ།། དེ་སྐད་ཞུས་པའི་དོན་གསན་ནས།། གསང་བདག་ལ་སོགས་འདུས་པའི་ཚོགས་རྣམས་དང་།། མ་འོངས་གདུལ་བྱ་རྣམས་ཀྱི་དོན
4a5 ཆེད་དུ།། རང་རིག་རང་རྟོགས་རྡོ་རྗེ་འཆང་ཆེན་ངས།། འདུས་པའི་ཚོགས་དང་མ་འོངས་དོན་ཆེད་དུ།། སྔར་བཤད་གཞན་གྱིས་བསྟན་པ་མེད་པ་ཡི།། ཐོས་བསམ་སྒོམ་པར་རག་ལས་མེད་པའི་དོན།། རང་རིག་ཆོས
4a6 སྐུ་ཅར་ཕོག་བསྟན་པ་ཡི།། ཚིག་ཆུང་དོན་ཆེ་གོ་བར་སླ་བའི་ཆོས།། བསྟན་པ་ཙམ་གྱིས་བློ་དམན་ཀུན་གྱིས་རྟོགས།། ཆོས་རྣམས་ཀུན་གྱི་སྙིང་པོ་དོན་ཆེན་ཡིན།། འཁོར་འདས་ཐེག་པ་ཀུན་གྱི་རྩ་བ་ཡིན།། ལུང་མདོ
iiif viewer powered by OpenSeadragon
