| e-texts navigator |
| Wylie |
49b1 གཞི་ཐོག་ཏུ་རང་གསལ་ལོ།། གསལ་བའི་རྩལ་རླུང་གིས་འགྱུས་ན། ཡུལ་ལ་སྤྱོད་བཞིན་དུ་མི་འཛིན་པ་རྟོགས་པའི་རྩལ་ལོ།། གསལ་བ་དང་སྟོང་པ་ཡེ་ནས་གཉིས་སུ་མེད་དེ།། གསལ་བའི་རྩལ་ལས་གདངས་འོད
49b2 ལྔ་བྱུང་། གཉིས་མེད་དེ་ལས་རྩལ་ཕྲིན་ལས་ཐོགས་པ་མེད་པ་བྱུང་སྟེ།། དེས་གདུལ་བྱའི་དོན་ཐམས་ཅད་ལྷུན་གྱིས་གྲུབ་པའོ།། འོད་རྣམ་ལྔ་འཆར་བས་སྣང་བ་ལྷུན་གྱིས་གྲུབ་པའོ།། དེ་ལྟར་རྟོགས་པས་ངོ་འཕྲོད་པ
49b3 ཡིན་ནོ།། ལ་བཟླ་བ་ནི་ལྟ་བའི་སྐབས་སུ་བཤད་དོ།། གསང་བའི་བདག་པོ་དེ་ལྟར་ཤེས་པར་གྱིས་ཤིག། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཚོགས་བརྒྱད་གཏན་ལ་ཕབ་ནས་ངོ་སྤྱོད
49b4 པའི་ལེའུ་སྟེ་ཞེ་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། ཚོགས་བརྒྱད་ཕྱེ་སྟེ་ངོ་སྤྲད་དེ་ལྟར་ན།། ཐོག་མཐའ་བཅད་དེ་ངོ་སྤྲད་པ།། རྡོ་རྗེ་འཆང་གིས་གསུང་དུ
49b5 གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ། འཁོར་བ་རྒྱུད་ནས་པ་བདས་མུ་ནས་རྩད་བཅད་པས།། སྙིང་པོ་གཞི་ལ་ཟུག་གིས་ཟུག། གཞི་ཉིད་ངོ་ཡིས་ཙིར་བཟུང་བས།། ངོ་སྤྲོད་ཅེས་སུ་བསྟན་པ
49b6 ཡིན།། གཞི་ཉིད་རྟོགས་པ་ལྟ་བའི་མཆོག། བ་བདས་གྱེན་ལ་བདས་པ་ནི།། འཁོར་བ་རང་སར་ལྡོག་པ་སྟེ།། འཁོར་བ་འདི་དག་ཅི་ལས་བྱུང་།། འཁོར་བ་རྐྱེན་དང་རྒྱུ་ལས་བྱུང་།། འཁོར་བའི་རྐྱེན་གཞི་བདས་པས
iiif viewer powered by OpenSeadragon
