| e-texts navigator |
| Wylie |
49a1 ཡུལ་སྤྱོད་པའི་ཆ་ནས་སྒོ་ལྔའོ།། ནང་དུ་བལྟས་ནས་བཟུང་བས་ཉོན་མོངས་པའི་ཡིད་དོ།། བསགས་པའི་གཞིའི་ཆ་ནས་སྣ་ཚོགས་གསོགས་པས་ཀུན་གཞིའོ།། རིག་པས་ཕྱིར་བཅད་པ་ནང་དུ་སྐྱེལ
49a2 བའི་ཆ་ནས་ཡིད་དོ།། མ་རྟོགས་པའི་དབང་གིས་དེ་ལྟར་བྱུང་།། གཞིའི་དངོས་པོའི་གནས་ལུགས་གོང་དུ་སྨོས་པ་ཏེ་རྟོགས་ན་ཡེ་ཤེས་ལྔར་འཆར་ཏེ། ཐམས་ཅད་མཁྱེན་པ་འབྱུང་བ་ཡིན། རྟོགས་པའི་ཐབས་ནི་ངོ
49a3 སྤྲོསྤྱོད་པའི་རྟོགས་པ་འཆར་ཏེ། དེ་ངོ་སྤྱོད་ཀྱི་གདམས་ངག་ཅར་ཕོག་ཏུ་བསྟན་ན་གོང་གི་ཚིག་གིས་ཤེས་པ་ཡིན་ཏེ། གཞིའི་སྐབས་ཀྱི་རང་བྱུང་གི་ཡེ་ཤེས་དེ་ཉིད་ཅར་ཕོག་ཏུ་བསྟན་ན། ཚིག་དོན་འབྲེལ་བ་ཡིན་ཏེ།། ངོ
49a4 འཕྲོད་པ་ནི་དབང་པོ་རྣོ་རྟུལ་མེད་དོ།། ཐོགས་པ་མེད་པར་རང་ངོ་རང་གིས་ཤེས་སོ།། དེ་མཚན་ཉིད་ལྔ་དང་ལྡན་ཏེ། ངོ་བོ་སྟོང་པ་རང་བཞིན་གསལ་བ། མཚན་ཉིད་གཉིས་སུ་མེད་པ། ཐུགས་རྗེ་འགག་པ་མེད་པ།
49a5 ཡོན་ཏན་མ་བཙལ་ལྷུན་གྱིས་གྲུབ་པ་སྟེ།། དེ་ལ་ཡེ་ཤེས་ལྔ་ཞེས་ཀྱང་བྱའོ།། དེ་ལྟར་ངོ་ཤེས་པས་ངོ་བོ་སྟོང་པ་མི་རྟོག་པས་འཛིན་པ་མེད་པའོ།། རང་བཞིན་གསལ་བ་མ་འགགས་པས་སྒོ་ལྔའི་རྣམ་པར་ཤེས་པ་དང
49a6 བཅས་པ་སྟེ། སེམས་ཅན་གྱི་དུས་ན་ཡུལ་རྣམ་པ་ལྔ་ལ་རང་ཁ་མར་སྤྱོད། རྟོགས་ལྡན་གྱི་དུས་ན་རང་སྣང་འཛིན་མེད་དུ་གྲོལ། སངས་རྒྱས་པའི་དུས་ན་ཐམས་ཅད་མཁྱེན་པར་འབྱུང་སྟེ་སྟོང་པའོ།། གསལ་བ
iiif viewer powered by OpenSeadragon
