| e-texts navigator |
| Wylie |
48a1 ཤེས་པར་བྱ།། རང་གི་མཚན་ཉིད་ངོས་བཟུང་བ།། རང་བྱུང་ཡེ་ཤེས་རང་སྣང་དེ།། རང་བྱུང་ཡེ་ཤེས་ཆེན་པོ་ཞེས་པ་སྟེ།། དུག་ལྔ་མངོན་དུ་གྱུར་པ་ནི།། བཅོས་པའི་ཤེས་པ་ཞེས་པ་སྟེ།། མ་བཅོས
48a2 གཉུག་མར་གནས་པའི་དོན།། དེ་ནི་རང་བྱུང་ཡེ་ཤེས་ཏེ།། ཡོན་ཏན་ཡེ་ཤེས་ལྔ་རུ་འཆར།། ལ་ཟློ་ལྟ་སྒོམ་སྤྱོད་པར་ཟློ།། ཡེ་ཤེས་ལྔ་པོ་དེ་དག་དང་།། སྐུ་གསུམ་དོན་ལ་དབྱེ་བ་མེད།། ཆོས་ཉིད་སྟོང་ཆ་རིག་གསལ
48a3 དང་།། གཉིས་སུ་མེད་པའི་ཆ་ཡིས་ནི།། ཆོས་ཀྱི་སྐུ་ཡི་ངོ་བོ་ཡིན།། སྐུ་གཉིས་རྩལ་མི་འགག་པ་སྟེ།། སོ་སོར་མ་འགགས་ཆ་ནས་འོད་འབྱུང་བ།། ལོངས་སྐུའི་ངོ་བོ་དེ་ཉིད་ཡིན།། ཐུགས་རྗེས་འགྲོ་བའི་དོན་མཛད
48a4 པ།། སྦྲུལ་སྐུ་བྱ་གྲུབ་ཡེ་ཤེས་ཡིན།། སྐུ་གསུམ་ཡེ་ཤེས་ལྔ་པོ་དེ།། ཆོས་སྐུའི་ངངལ་ལྷུན་གྱིས་གྲུབ།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཡེ་ཤེས་རྣམ་པ་ལྔ་ངོ་སྤྲོད་པའི་ལེའུ་སྟེ་ཞེ་ལྔ
48a5 པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། ཚོགས་བརྒྱད་གཏན་ལ་ཕབ་སྟེ་ངོ་སྤྲད་པ།། ཕྱི་རབ་དོན་དུ་གསུང་དུ་གསོལ།། ཞེས་ཞུས་པས། རྡོ་རྗེ་འཆང་གིས་བཀའ
48a6 སྩལ་པ། ཚོགས་བརྒྱད་གཏན་ལ་ཕབ་སྟེ་ངོ་སྤྲོད་འདི་ལྟར་ཤེས་པར་གྱིས། ཚོགས་བརྒྱད་གྲངས་ནི་འདི་ལྟ་སྟེ། སྒོ་ལྔའི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་དང་། ཉོན་མོངས་པ་ཅན་གྱི་ཡིད་དང་།
iiif viewer powered by OpenSeadragon
