| e-texts navigator |
| Wylie |
47b1 པ།། སྐུ་གསུམ་དོན་ལས་མ་གཡོས་ཀྱང་།། མཚོན་ཚུལ་ཡེ་ཤེས་ལྔར་བྱུང་བས།། ཡེ་ཤེས་ལྔ་ཡི་ངོ་སྤྱོད་བསྟན།། ཤན་དབྱེ་སྐྱོན་གྱི་མཐའ་བསལ་དང་།། རང་དང་སྤྱི་ཡི་མཚན་ཉིད་ངོས་བཟུང་བ།། ཐ་མ་ཡེ་ཤེས་ལྔ
47b2 རྣམས་ལ་བཟླའོ།། དང་པོ་ཤན་དབྱེ་སྐྱོན་གྱི་མཐའ་བསལ་བ།། རིག་པའི་ངོ་བོ་སྟོང་པར་འདུག་པས་ན།། སྟོང་པ་ཉིད་ཀྱི་ཡེ་ཤེས་ཡིན།། རིག་པ་སྟོང་པ་དེ་ཉིད་མ་འགགས་གསལ་བ་ཡིས།། མེ་ལོང་ལྟ་བུའི་ཡེ་ཤེས
47b3 ཡིན།། རིག་པ་སྟོང་གསལ་གཉིས་སུ་མེད་པར་མཉམ་པ་ཡིས།། གཉིས་མེད་མཉམ་པ་ཉིད་ཀྱི་ཡེ་ཤེས་སོ།། རིག་པ་དེ་ཡི་ངོ་བོ་ལ།། སྟོང་པའི་ཕྱོགས་ནས་བལྟས་ན་སྟོང་པར་གསལ།། གསལ་བའི་ཕྱོགས་ནས
47b4 བལྟས་ན་གསལ་བར་འདུག། གཉིས་མེད་ཕྱོགས་ནས་བལྟས་ན་གཉིས་མེད་དེ།། དེ་ལྟར་སོ་སོར་མ་འགགས་ཆ་ནས་ནི།། སོ་སོར་རྟོགས་པའི་ཡེ་ཤེས་སོ།། དོན་དེ་རྟོགས་པའི་རྩལ་གྱིས་ནི།། བྱ་བ་ཐམས
47b5 ཅད་ཐོགས་པ་མེད་པར་འགྲུབ།། བྱ་བ་གྲུབ་པའི་ཡེ་ཤེས་སོ།། དེ་ལྔར་མ་རྟོགས་དུག་ལྔར་ཤར།། སྐྱོན་གྱི་མཐའ་བསལ་འདི་ལྟ་སྟེ།། ཡེ་ཤེས་ལྔ་ལ་སྒྲིབ་བྱེད་དེ།། རགས་པ་ཉོན་མོངས་དུག་ལྔས་བསྒྲིབས།། ཕྲ་བ
47b6 འཛིན་བྱེད་ཕྲ་མོས་བསྒྲིབས།། ཤིན་དུ་ཕྲ་བ་ངོ་མ་ཤེས་པས་བསྒྲིབས།། སྒྲིབ་པའི་ཕྱིར་ན་དྲི་མའོ།། ཤན་དབྱེ་བ་ནི་འདི་ལྟ་སྟེ།། ཡེ་ཤེས་ལྔ་དང་དུག་ལྔ་དབྱེ།། སྐྱོན་གྱི་མཐའ་ནི་དུག་ལྔར་གསལ།། ངོས་བཟུང་སྤྱི་རུ
iiif viewer powered by OpenSeadragon
