| e-texts navigator |
| Wylie |
46b1 རབ་ཙམ་ལས་གསལ་བ་ཡིན།། ལོངས་སྐུའི་སྐྱོན་གྱི་མཐའ་བསལ་བ།། དྲི་མ་རགས་པའི་ཕུང་པོ་རྣམ་པ་ལྔས།། ལོངས་སྐུ་རིགས་ལྔ་དག་ལ་བསྒྲིབས་པ་ཡིན།། དྲིལ་བས་ལོངས་སྐུ་རྣམ་སྣང་དེ་ལ་བསྒྲིབས།། ཕྲ
46b2 བས་རིགས་ལྔ་བློ་ལ་བསྒོམ་པ་དག་གིས་ཀྱང་།། ལོངས་སྐུ་རིགས་ལྔ་ཆོས་སྐུའི་རྩལ་ཅན་དེ་ལ་བསྒྲིབས།། དངོས་སུ་ཞེན་པ་ཕྲ་མོ་དེ།། ལོངས་སྐུ་བསྒྲིབས་བྱེད་ཕྲ་མོ་ཡིན།། ལོངས་སྐུ་མཐོང་དུ་མི་སྟེར་སྒྲིབ་བྱེད་དྲི
46b3 མའོ།། ལོངས་སྐུ་དང་ནི་སྒྲིབ་བྱེད་ཕྱི་ལ་ཤན་འབྱེད་དོ།། བར་དུ་སྤྱི་དང་བྱེ་བྲག་ངོས་བཟུང་བ།། སྤྱི་ནི་གོང་དུ་སྨོས་པ་བཞིན།། ལོངས་སྐུའི་བྱེ་བྲག་ངོ་ཡིས་བཟུང་བ་ནི།། ཆོས་སྐུ་གསལ་སྟོང་དེ་ཉིད་ལ།། གསལ་ཆ
46b4 རླུང་འགྲུས་དུས་སུ་འོད་བྱུང་བ།། དེ་ཉིད་ལོངས་སྐུ་ཁོ་ན་ཡིན་པའོ།། མདོར་ན་གསལ་སྟོང་གཉིས་མེད་ཆོས་ཀྱི་སྐུ།། ལྷུན་གྲུབ་ཆོས་ཀྱི་སྐུ་ཞེས་དེ་ལ་བྱ།། མ་རྟོགས་དུས་ན་ངོ་བོ་ཉིད་ཀྱི་སྐུ།། རྟོགས་པའི་དུས་ན་ཆོས
46b5 སྐུ་ཁོ་ནའོ།། ཆོས་སྐུའི་རྩལ་མདངས་འཆར་ནས་ལོངས་སྒྲ་སྦྲུལ་སྐུའོ།། ཆོས་སྐུ་ངོ་འཕྲོད་དུས་ན་ལོངས་སྐུ་སྦྲུལ་སྐུ་གཉིས་ཀ་འཕྲོད། བྱེ་བྲག་ངོས་འཛིན་ལོངས་སྐུ་ངོ་སྤྲོད་ཁོ་ནའོ།། སྐུ་གསུམ་ལ་ཟློ་གོང་འོག
46b6 གཞན་ན་གསལ། སྦྲུལ་སྐུ་ཤན་དབྱེ་སྐྱོན་གྱི་མཐའ་བསལ་དང་། བར་དུ་སྤྱི་དང་རང་གི་མཚན་ཉིད་ངོས་བཟུང་དང་། མཐའ་མ་སྐུ་གསུམ་དག་ཏུ་ལ་བཟླ་བའོ།། དང་པོ་ཤན་དབྱེ་སྐྱོན་གྱི་མཐའ་བསལ་བ།། ཆོས
iiif viewer powered by OpenSeadragon
