| e-texts navigator |
| Wylie |
46a1 ཆད་པའི་ཡེ་ཤེས་དང་།། ལྷུན་གྱིས་གྲུབ་པའི་སངས་རྒྱས་དང་།། རང་གི་ཡེ་ཤེས་དེ་ལ་གཞན་སྣང་གི་རྟོག་པ་མེད་པ་ཡིས། ཤན་དབྱེ་ངོས་བཟུང་སྐྱོན་བསལ་བའོ།། སྐྱོན་གྱི་མཐའ་བསལ་བ་འདི་ལྟ་སྟེ།
46a2 རིག་པའི་དྲི་མ་རྣམ་པ་གསུམ་ཡིན་ཏེ།། རགས་དང་ཕྲ་དང་ཤིན་ཏུ་ཕྲ་བའོ།། རགས་པ་དབང་པོའི་སྒོ་ལྔར་ཤར་བའོ།། ཕྲ་བའི་ཡིད་གཉིས་ཕྲ་བ་ཀུན་གཞིའོ།། དབང་པོ་སྒོ་ལྔ་རགས་པར་ཅིའི་ཕྱིར་ན།། ཡུལ་དང་སྐྱེ
46a3 ལུགས་གྲངས་དང་གསུམ་གྱིས་རགས་པའོ།། ལོངས་སྐུ་ཤན་དབྱེ་སྐྱོན་གྱི་མཐའ་བསལ་དང་།། བར་དུ་སྤྱི་དང་རང་གི་མཚན་ཉིད་ངོས་བཟུང་དང་།། མཐའ་མ་སྐུ་དང་ཡེ་ཤེས་དག་ཏུ་ལ་བཟླའོ།། ལོངས་སྐུའི་ངོ་བོ
46a4 བསྟན་པ་དང་།། ཆོས་སྐུ་དྲི་མེད་རྣམ་དག་པ།། དོན་ལ་ཡེ་ཤེས་རྣམ་པ་ལྔ་རུ་གྲུབ་པ་སྟེ།། ཆོས་སྐུ་རྩལ་བྱུང་ཡེ་ཤེས་ལྔ།། ཡེ་ཤེས་ལྔ་ཡི་གདངས་ཤར་བས།། ལོངས་སྐུའི་མཚན་ཉིད་བསྟན་པའོ།། རང་རིག་ཡེ་ཤེས
46a5 ལྔ་ལྡན་དེ།། གདངས་གཉིས་འོད་ལྔར་ཤར་བས་རིགས་ལྔའི་སྐུ་རུ་བྱུང་། འོད་ལྔ་གཅིག་ཏུ་གྲུབ་པས་རྣམ་སྣང་ཆེན་པོའི་སྐུ་རུ་རྫོགས། ཡོན་ཏན་རྩལ་ལྔ་ཁ་དོག་རྣམ་པ་ལྔ། སོ་སོའི་ཆ་ལས་རིགས་ལྔར་ཤར་བ
46a6 ཡིན།། སྐུ་མདོག་ཕྱག་མཚན་གདན་ཁྲི་ལ་སོགས་པ།། སྣང་ཡང་ཡང་དག་དོན་དུ་གྲུབ་པ་མེད།། ཆོས་སྐུའི་ཡོན་ཏན་ཙམ་དུ་སྣང་བ་ཡིན།། རྩལ་དང་མདངས་སུ་མ་འགགས་ཆ་ཙམ་ཤར་བ་ཡིན།། མཁྱེན་པའི་ཤེས
iiif viewer powered by OpenSeadragon
