| e-texts navigator |
| Wylie |
45a1 འཁོར་གཡའ་ཕྱིས་པ་ལྟ་བུ་ལ། རིག་པ་སེམས་ཀྱི་དྲི་མ་ཕྲ་རགས་གསུམ་དང་བྲལ་བ་ཡི། རང་གསལ་འཛིན་མེད་མར་མེ་རླུང་གིས་མ་བསྐྱོད་པ་ལྟ་བུ་ནི། ཆོས་ཉིད་ངང་དུ་ཤར་བ་དེ།། ཡེ་ཤེས
45a2 དབྱིངས་ལས་ཤར་བ་ཡིས།། མཐའ་རྣམས་རྣམ་པར་མི་འབྱེད་དོ།། འཕྲལ་དུ་འབྱུང་བ་ལྟ་བུ་མ་ཡིན་ཏེ།། ཡེ་ཤར་ཡེ་བརྡལ་ཆེན་པོ་ཡིན།། ཆོས་སྐུ་མཚན་ཉིད་བདུན་ལྡན་ཏེ།། སྟོང་པ་འགྱུར་བ་མེད་པ་དང་།། ཡོན
45a3 ཏན་འབྱུང་ཞིང་དྲི་མ་མེད།། ཐོགས་པ་མེད་དང་མཚན་མ་ཡི།། ཆོས་དང་བྲལ་བས་སྟོང་པའོ།། རང་བྱུང་ཆོས་སྐུ་རྐྱེན་གྱིས་མི་ཤིགས་འགྱུར་བ་མེད།། སྐུ་དང་ཡེ་ཤེས་མི་འགག་པས།། ཡོན་ཏན་འགག་པ་མེད
45a4 པའོ།། ངོ་བོ་སྐྱོན་མེད་པས་ནི་དྲི་མ་མེད་པའོ།། རྩལ་མི་འགག་པས་ཕྱོགས་གཅིག་རྒྱ་ཆད་མེད།། མཚན་མའི་ཆོས་ཅན་མ་ཡིན་པས་ནི་སྟོང་།། ཅར་གྱིས་བསྟན་ན་མཚན་ཉིད་བཞི།། རིག་པ་ཆོས་སྐུ་རྣམ
45a5 པ་གཉིས།། ངོ་བོ་གཅིག་པར་བསྟན་པ་ཡིན།། དེ་ཡི་མཚན་ཉིད་འདི་བཞི་ཡིན།། རང་རིག་ཆོས་སྐུའི་ངོ་བོ་སྟོང་།། དེ་ནི་ཆོས་ཉིད་སྟོང་པའོ།། ངོ་བོ་སྟོང་པ་དེ་ཉིད་གསལ།། རང་གསལ་དག་ཏུ་གནས་པ
45a6 ཡིན།། གསལ་བའི་རྩལ་ནི་གཉིས་སུ་འབྱུང་།། འགྱུ་བ་རླུང་དང་སྣང་བ་འོད།། འགྱུ་བའི་དབང་གིས་ཉམས་སུ་མྱོང་བ་འཆར།། ཡེ་ཤེས་ལྔ་ཤར་རྩལ་དུ་འོད་ལྔ་ཤར།། དེ་དག་སྐུ་གསུམ་རྫོགས་པར་རྟོག་པ་སྟེ།། ཆོས
iiif viewer powered by OpenSeadragon
