| e-texts navigator |
| Wylie |
44b1 གྱི་ཡིད།། དེ་ལྟར་ཚོགས་བདུན་ས་བོན་ཏེ།། བསགས་པ་དེ་ལ་ཀུན་གཞི་ཞེས་བྱའོ།། ཡིད་གཉིས་དག་གིས་རང་རིག་སྤྲོས་བྲལ་དེ་ལ་བསྒྲིབས།། ཡིད་ཀྱི་རྣམ་ཤེས་གཟུང་འཛིན་བཅས་པ་དེས།། འཛིན་པ་མེད
44b2 པའི་རང་གསལ་དག་ལ་བསྒྲིབས།། ཉོན་མོངས་ཅན་གྱི་ཡིད་ནི་ངར་འཛིན་བཅས་པ་དེས།། འཛིན་པ་མེད་པའི་རིག་པ་དེ་ལ་བསྒྲིབས།། ཚོགས་བདུན་གཞིའམ་རྩ་བ་ཕྱེད་པའི་ཕྱིར།། སྦྱོར་བ་དོན་གྱི་ཀུན་གཞི་ཞེས
44b3 སུ་བཤད།། རྣམ་ཤེས་ཚོགས་བདུན་དེ་དག་གིས།། དགེ་བ་སྤྱད་ན་གཞི་ལ་དགེ་བ་འཕེལ་ཞིང་སྡིག་པ་འགྲིབ།། སྡིག་པ་སྤྱད་ན་སྡིག་པ་འཕེལ་ཞིང་དགེ་བ་འགྲིབ།། ལུང་དུ་བསྟན་ན་ལུང་དུ་བསྟན་པ་རྣམ་འཕེལ
44b4 ཏེ།། མ་བསྟན་སྤྱད་ན་མ་བསྟན་འཕེལ་བར་འགྱུར།། མདོར་ན་སྦྱོར་བ་དོན་གྱི་ཀུན་གཞི་དེ།། ཚོགས་བདུན་སྤྱོད་པས་ལས་རྣམས་འཕེལ་བར་འགྱུར།། ཚོགས་བདུན་མ་སྤྱད་ལས་རྣམས་འགྲིབ།། ཚོགས་བདུན་གཞི
44b5 རྩ་བྱེད་པ་ཡི།། ཀུན་གཞི་དེ་དག་གིས་ནི་གང་ལ་བསྒྲིབ་འགྱུར་ན།། རིག་པའི་མཚན་ཉིད་ལྔ་ལྡན་དེ་ལ་བསྒྲིབས།། སྤྱི་ཡི་ངོས་བཟུང་རིག་པའི་མཚན་ཉིད་བྱེ་བྲག་ནི།། སྐུ་གསུམ་ཤན་དབྱེ་སྐྱོན་གྱི་མཐའ་བསལ
44b6 དང་།། སྤྱི་དང་བྱེ་བྲག་གཉིས་སུ་ངོས་བཟུང་བའོ།། ཆོས་སྐུ་ངོས་བཟུང་ལ་ཤན་དབྱེ་བ་དང་།། སྐྱོན་གྱི་དྲི་མ་བསལ་བ་དང་།། འབྱུང་བའི་དྲི་མ་ཕྲ་རགས་གསུམ་བྲལ་བ།། ཆོས་ཉིད་དག་གསལ་མེ་ལོང་གི་དཀྱིལ
iiif viewer powered by OpenSeadragon
