| e-texts navigator |
| Wylie |
44a1 ཡན་ཆད་རྒྱུ་བ་རྣམས།། རྣམ་རྟོག་རླུང་དུ་བརྟས་པས་རགས་པ་ཡིན།། འབྱུང་བ་རྣམ་པ་བཞི་ཡིས་ནི།། ཆོས་ཉིད་སྟོང་པ་སྤྲོས་བྲལ་དེ་ལ་བསྒྲིབས།། འབྱུང་བ་ཕྲ་བའི་དྲི་མ་སེལ།། ངན་རྩལ་དེ་ནི་ཆོས
44a2 ཉིད་ངང་དུ་འཆར་བ་ཡིན།། འོད་དང་གདངས་དང་ཡེ་ཤེས་རྩལ་ལ་བསྒྲིབས།། དྲི་མ་ཕྲ་བ་ཡུལ་གྱི་རགས་པ་སྟེ།། ཡུལ་ནི་དངོས་པོ་མཚན་མ་ཅན།། སྣ་ཚོགས་དག་ལ་སྤྱོད་པའི་ཡུལ་གྱི་རགས།། སྐྱེ་ལུགས་རགས
44a3 པས་ཡུལ་གྱི་དངོས་པོ་ལྔ།། དབང་པོ་སྒོ་ལྔ་དངོས་པོ་མཚན་མར་སྐྱེས་པས་རགས།། དབང་པོ་རྣམ་ལྔ་སྤྱོད་པས་རགས།། དེ་ཡིས་གང་ལ་བསྒྲིབ་གྱུར་ན།། དབང་པོ་སྒོ་ལྔའི་དབྱེ་བར་བཅས་པ་ཡིས།། འབྱེད་པ་མེད
44a4 པའི་ཤེས་རབ་བསྒྲིབས།། དངོས་པོ་སྣ་ཚོགས་བདག་ཏུ་འཛིན་པ་ཡིས།། དགོངས་པ་འཛིན་མེད་ཉག་ཅིག་དོན་ལ་བསྒྲིབས།། སྒོ་ལྔ་སྐྱེ་འགག་བཅས་པ་དེས།། སྐྱེ་འགག་མེད་པའི་ཡེ་ཤེས་བསྒྲིབས།། ཕྲ་བ་ཡིད
44a5 གཉིས་དག་ཏུ་བསྟན་པ་དེས།། ཡུལ་གྱིས་ཕྲ་སྟེ་དངོས་པོ་ལ་མི་སྤྱོད།། སྐྱེ་ལུགས་ཕྲ་སྟེ་སྣ་ཚོགས་གཟུགས་མི་སྤྱོད།། གྲངས་ཀྱིས་ཕྲ་སྟེ་དབང་པོ་སྒོ་ལྔ་བལྟ་རུ་མེད།། ཡིད་ཀྱི་རྣམ་ཤེས་གཟུང་འཛིན་ཏེ།། ཉོན་མོངས
44a6 ཡིད་ནི་ངར་འཛིན་ཡིན།། སྒོ་ལྔའི་རྣམ་པར་ཤེས་པས་ཡུལ་ལ་སྤྱད་པ་ནི།། དེ་ཡི་རྗེས་སུ་རྟོག་པས་ཤེས་པ་ཡིད་ལ་ཝ་ལེ་བ།། དེ་ལྟར་ཤེས་པ་དེ་ནི་ཡིད་ཀྱི་རྣམ་ཤེས་ཡིན།། དེ་ཡིས་གཟུང་འཛིན་ཉོན་མོངས་ཅན
iiif viewer powered by OpenSeadragon
