| e-texts navigator |
| Wylie |
43a1 སྤྱོད་གཅིག་གིས་ཆོག། དབྱེ་ན་ངོ་སྤྲོད་རྣམ་པ་བདུན།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།། ཨ་ཏིའི་དོན་ངོ་སྤྲོད་པ་ཞུས་ལེན་དང་བཅས་པ་བསྟན་པའི་ལེའུ་སྟེ་ཞེ་གསུམ་པའོ།། །། ཨ་དྷརྨ
43a2 ཀ་ཡ། མུན་པའི་སྨག་རུམ་ཆེན་པོ་རུ། ཉི་མ་ཤར་བས་མུན་པའི་སྨག་གཏན་ནས་སངས་པར་བྱེད་པའི་མན་ངག་ཅེས་བྱ་བ་འདི།། ངོ་སྤྲོད་བདུན་གྱིས་གཏན་ལ་ཕབ་དགོས་སོ།། ཞེས་གསུངས་སོ།། ཀྱེ་ཀྱེ་རྡོ་རྗེ་འཆང
43a3 ཆེན་པོ།། ངོ་སྤྲོད་རྣམ་པ་བདུན་པོ་ཡི།། དང་པོ་འབྱུང་བ་དངས་སྙིགས་ནི།། ཕྱི་ལ་རང་ངོ་སྤྲད་པ་དེ།། ཕྱི་རབས་དོན་དུ་གསུང་དུ་གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། འབྱུང་བ
43a4 དངས་སྙིགས་དབྱེ་བ་ཡི།། ངོ་སྤྲོད་བསྟན་པ་འདི་ལྟ་སྟེ།། དང་པོ་ཤན་དབྱེ་སྐྱོན་བསལ་དང་།། བར་དུ་སྤྱི་དང་བྱེ་བྲག་ངོ་ཡིས་བཟུང་།། ཐ་མ་སྐུ་དང་དབྱིངས་སུ་ལ་བཟླ་བ།། དང་པོ་ཤན་དབྱེ་སྐྱོན་བསལ་བ།། ཕྱི་ཡི
43a5 ཡུལ་དང་ནང་གི་ཤེས་རིག་གཉིས།། ཕྱི་ཡི་ཡུལ་ནི་འབྱུང་བ་རྣམ་པ་ལྔ།། ནང་གི་ཤེས་རིག་རྣམ་པ་བསྟན་པ་ནི།། རྣམ་པར་ཤེས་པའི་ཚོགས་བརྒྱད་ཡིན།། ཕྱི་ཡི་འབྱུང་བ་རྣམ་ལྔ་བསྟན་པ་ནི།། ཆོས་ཀྱི་དབྱིངས་ཉིད
43a6 མ་ཤེས་གོལ་བ་སྟེ།། གར་བྱུང་གནས་དང་གར་འགྲོ་བ།། དེ་དོན་གོང་འོག་རྣམས་སུ་ཤེས་པར་བྱ།། འཁྲུལ་ནས་རེག་པའི་འབྱུང་བ་རྣམ་པ་ལྔ།། ཕྲ་བ་ཡེ་ཤེས་འོད་ཀྱི་ཁ་དོག་ལྔ།། ཆོས་ཉིད་སྟོང་པའི་ངང་དུ་ཤར་བ
iiif viewer powered by OpenSeadragon
