| e-texts navigator |
| Wylie |
42a1 འབུལ།། ལོངས་སྤྱོད་མེད་ན་རང་ལུས་འབུལ།། མན་ངག་ཞུ་བའི་དོན་ཆེད་དུ།། བུ་དང་ཆུང་མ་ལ་སོགས་ཏེ།། སྲོག་ལ་བབ་ཀྱང་གཏོང་ནུས་ན།། ཡང་དག་སྐྱེ་མེད་ཅར་གྱིས་བསྟན།། དེ་སྐད་སྟོན་པས
42a2 གསུངས་པ་དང་།། གསང་བའི་བདག་པོས་ཡང་ཞུས་པ།། སློབ་དཔོན་མན་ངག་ལྡན་པ་དེས།། སློབ་མ་གོང་བཞིན་སྣོད་ལྡན་ལ།། ཅར་གྱིས་བསྟན་པའི་མན་ངག་འདིས།། ལྔ་བརྒྱའི་དུས་ལ་ཉེ་བའི་ཚེ།། ཐོས་པ་བྱ།
42a3 རུ་ཚེ་ཚད་ཐུང་།། དགོན་པ་བསྟེན་དུ་འཚོ་བ་ཉམས།། སྤྱི་རུ་བཤད་པའི་མན་ངག་འདིས།། ཤེས་རབ་ཅན་དང་ཐོས་པ་ཅན།། ཇི་སྲིད་ཆ་ཡིས་རྟོགས་སྲིད་ཀྱང་།། རང་གི་མཚན་ཉིད་མཐོང་བ་མེད།། ཐོས་ཆུང་ཤེས
42a4 རབ་ཆུང་བ་ཡིས།། རྟོགས་པའི་དོན་དང་མི་ལྡན་པས།། ཐོས་པ་ཆེ་ཆུང་མེད་པ་དང་།། ཤེས་རབ་ཆེ་ཆུང་མེད་པ་ཡིས།། རང་གིས་མཚན་ཉིད་མ་ནོར་བར།། བསྟན་པ་ཙམ་གྱིས་རྟོགས་པའི་དོན།། རྡོ་རྗེ་འཆང་གིས
42a5 གསུང་དུ་གསོལ།། ཨེ་མ་ཐུགས་རྗེ་བདག་པོ་ལགས།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། ཉོན་གཅིག་གསང་བའི་བདག་པོ་ཉོན།། བརྒྱད་ཁྲི་བཞི་སྟོང་ཆོས་བསྟན་ཀྱང་།། གང་ཟག
42a6 བློ་དང་སྦྱར་བ་ལས།། ངེས་དོན་ཅར་གྱི་བསྟན་པ་མེད།། བརྒྱད་ཁྲི་བཞི་སྟོང་ཐེག་དགུར་འདུས།། ཐེག་པ་རིམ་དགུ་གསུམ་དུ་འདུས།། མཚན་ཉིད་སྡེ་གསུམ་རྒྱུ་ཡི་ཆོས།། གསུང་གི་སྤྲུལ་པ་ཤཱཀ་ཐུབ་ཀྱིས།། གཏན
iiif viewer powered by OpenSeadragon
