| e-texts navigator |
| Wylie |
41b1 རྗེས་འཁོར་ལ་གསུང་དུ་གསོལ།། དེ་སྐད་ཅེས་ནི་ཞུས་པ་ཡིས།། རྡོ་རྗེ་འཆང་གིས་ཡང་གསུངས་པ།། ཐ་མལ་རང་རྒྱུད་ཤེས་པ་ནི།། ཅར་གྱིས་བསྟན་པས་རྟོགས་པའི་ཆོས།། གང་ཟག་ཕྱི་མའི་དོན་ཆེད་དུ།། བསྟན
41b2 ཀྱང་སྣོད་ནི་ཤིན་ཏུ་དཀའ།། དཔེར་ན་ཨུ་དུམ་ཝ་ར་བཞིན།། བརྒྱ་སྟོང་ཁྲི་ལས་རེ་རེ་ཞིག། འགའ་ཙམ་ཟུང་ཙམ་འབྱུང་སྲིད་ན།། དེ་ཡིས་དོན་དུ་ང་ཡིས་བསྟན།། དེ་སྐད་སྟོན་པས་གསུངས་པ་དང་།། གསང་བའི
41b3 བདག་པོ་ཡང་ཞུས་པ།། སྟོན་པ་རྡོ་རྗེ་འཆང་ཆེན་པོ།། སངས་རྒྱས་ཀུན་གྱི་དགོངས་པ་དང་།། སེམས་ཅན་ཀུན་གྱི་གནས་ལུགས་དོན།། ཅར་གྱི་བསྟན་པས་རྟོགས་པའི་ཆོས།། སལ་གྱིས་བསྟན་པའི་གོ་བའི
41b4 དོན།། འདི་དོན་སྟོན་པའི་སློབ་དཔོན་དེ།། ཅར་ཕོག་མན་ངག་མཁས་པ་དང་།། སློབ་མའི་སྣོད་རྟོགས་མཁས་པ་དང་།། སྣོད་ལྡན་ཐུགས་རྗེ་འཛིན་པ་དང་།། བལྟ་བསྒོམ་དོན་ལ་གནས་པ་དང་།། སྤྱོད་པ་རྐྱེན་གྱིས
41b5 མི་ཚུགས་པ།། དེ་ལྟ་བུ་ཡི་སློབ་དཔོན་དེ།། གཞན་གྱི་སྐྱོན་སྣང་མཆིས་གྱུར་ཀྱང་།། ལུས་ངག་ཡིད་གསུམ་དང་བ་ཡིས།། ཡང་དག་སྐྱེ་མེད་དོན་ཆེན་ཞུ།། ཡང་ནི་སྟོན་པས་གསུངས་པ་ནི།། ཡང་དག་སྐྱེ་མེད་བསྟན
41b6 པའི་སྣོད།། དད་བརྩོན་བརྟུལ་ཞུགས་ཤེས་རབ་ཆེ།། གཏོང་ཕོད་མོས་གུས་བརྣགས་པ་ཆེ།། ལ་ཟློའི་ཆོས་དང་སློབ་དཔོན་དང་།། འདི་ཉིད་དོན་ལ་མོས་པ་ཆེ།། སེར་སྣའི་མདུད་ཁྲོལ་ལོངས་སྤྱོད
iiif viewer powered by OpenSeadragon
