| e-texts navigator |
| Wylie |
41a1 རིམ་པ་ཇི་ལྟར་ལགས།། འགྲོ་བ་སེམས་ཅན་ཐམས་ཅད་ལ།། སྐུ་གསུམ་ཡེ་ཤེས་རྣམ་པ་ལྔ།། རང་ལ་རང་ཆས་ཡོད་པ་ལ།། གང་ཟག་ལམ་དུ་ཞུགས་པ་རྣམས།། ཀུན་གྱི་མི་རྟོགས་ཇི་ལྟར
41a2 ལགས།། ཕྱི་ཡི་ཡུལ་ཉིད་ཆོས་ཉིད་ལ།། གཞན་གྱི་སྒྲིབ་པ་མེད་པ་སྟེ།། མཐོང་བ་མེད་པ་ཇི་ལྟར་ལགས།། རྡོ་རྗེ་འཆང་གིས་བཤད་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། ཉོན
41a3 ཅིག་གསང་བདག་ཞུ་བ་པོ།། སྐུ་གསུམ་ཡེ་ཤེས་ལྔ་ཡི་དོན།། ངོ་བོ་གཅིག་ལ་མཚོན་ཚུལ་ཕྱེ།། དེ་དོན་གཅིག་ཏུ་དྲིལ་བ་ནི།། རང་རིག་ཆོས་ཀྱི་སྐུ་རུ་འདུས།། རང་རིག་རྟོགས་པར་བྱ་བའི་ཐབས།། དུས་གསུམ་སངས
41a4 རྒྱས་ཀུན་གྱིས་ཀྱང་།། བརྒྱད་ཁྲི་བཞི་སྟོང་ཆོས་བཤད་ཀྱང་།། ཅར་གྱིས་བསྟན་པའི་གདམས་ངག་མེད།། དེ་ཕྱིར་ལམ་དུ་ཞུགས་ཚད་ཀྱིས།། རང་གི་རིག་པ་ཆོས་ཀྱི་སྐུ།། རང་ལ་རང་ཆས་ཡོད་གྱུར་ཀྱང་།། རྟོགས
41a5 པར་གྱུར་པ་མ་ཡིན་ནོ།། རང་རིག་ཆོས་སྐུར་མ་རྟོགས་པས།། ཕྱི་ཡི་འབྱུང་བ་རྣམ་པ་ལྔ།། ཆོས་ཀྱི་དབྱིངས་ཉིད་ཡིན་གྱུར་ཀྱང་།། འབྱུང་བ་རྣམ་ལྔ་རང་གར་བཟུང་།། དེ་ཕྱིར་ཆོས་ཉིད་རྟོགས་པར་དཀའ།། དེ་སྐད
41a6 ཅེས་ནི་གསུངས་པ་དང་།། གསང་བའི་བདག་པོས་ཡང་ཞུས་པ།། སྟོན་པ་རྡོ་རྗེ་འཆང་ཆེན་པོ།། གང་ཟག་ཕྱི་མའི་དོན་ཆེད་དུ།། ད་ལྟ་ཉིད་དུ་རྟོགས་པ་ཡི།། ཅར་གྱིས་བསྟན་པའི་གདམས་ངག་ནི།། ཐུགས
iiif viewer powered by OpenSeadragon
