| e-texts navigator |
| Wylie |
40b1 འབྲས་བུ་ཡང་།། ལྷ་སྒོམ་སྤྱོད་པ་མཐར་ཕྱིན་པས།། དགོས་པ་འབྲས་བུ་རྣམ་གཉིས་ཐོབ།། དཔེར་ན་ནེ་ཙོ་བསེ་རུ་བཞིན།། བྱང་སེམས་དག་གི་འབྲས་བུ་ཡང་།། ལྟ་བ་སྒོམ་པ་སྤྱོད་པ་རྣམས།། མངོན་འགྱུར་ས་བཅུ
40b2 རིམ་སྦྱངས་ནས།། ཀུན་དུ་འོད་ལ་གནས་པར་འདོད།། ཀྲི་ཡའི་འབྲས་བུ་རྫོགས་པས་ནི།། རང་གི་ལྷ་སྒོམ་དོགས་ཆོད་པས།། རིགས་གསུམ་སྐུ་གསུམ་ངོ་བོར་འདོད།། རྡོ་རྗེ་འཛིན་པའི་ས་ནོན་པའོ།། ཡོ་ག་དག་གི
40b3 འབྲས་བུ་ནི།། ལྷ་སྒོམ་སྤྱོད་པའི་བྱིན་རླབས་ཀྱིས།། སུམ་ཅུ་རྩ་བདུན་མངོན་རྫོགས་ཏེ།། སྐུ་གསུམ་རང་བཞིན་ལྷུན་གྱིས་གྲུབ།། མ་ཧཱ་ཡོ་གའི་འབྲས་བུ་ནི།། ལྟ་བ་ལ་སོགས་མངོན་གྱུར་ནས།། ཕྱག་རྒྱ་ཆེན་པོར
40b4 མངོན་རྫོགས་པས།། བཅུ་གཅིག་ཀུན་ཏུ་འོད་ཀྱི་ས་ལ་མངོན་པར་འགྲུབ། ཨ་ནུ་དག་གི་འབྲས་བུ་ཡང་།། ལྟ་བ་དག་གི་དགོས་པ་ནི།། རྡོ་རྗེ་སེམས་དཔའ་མཚན་ཡོངས་སུ་རྫོགས་པའི་ས་མནོན་ནས། མ་ཆག་པདྨ
40b5 ཅན་གྱི་ས་ལ་གནས། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེག་པ་སོ་སོའི་འབྲས་བུ་དང་། འཇུག་སྒོ་བསྲུང་མཚམས་སྒྲུབ་ཐབས་གསུམ་ལྟ་སྒོམ་སྤྱོད་པའི་བསྡུ་ཐབས་བསྟན་པའི་ལེའུ་སྟེ།
40b6 ཞེ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐེག་བརྒྱད་ལྟ་སྒོམ་སྤྱོད་པ་དང་།། འབྲས་བུ་མཐར་ཕྱིན་དེ་ལྟར་ན།། ཨ་ཏིའི་དོན་ལ་འཇུག་པ་ཡི།། མན་ངག
iiif viewer powered by OpenSeadragon
