| e-texts navigator |
| Wylie |
40a1 ཡ་པ་ཡི་སྤྱོད་པ་ནི།། ཕྱི་ནང་རྫས་གསུམ་དག་པར་སྤྱོད།། ཡོ་ག་དག་གི་སྤྱོད་པ་ནི།། ཕྲིན་ལས་རྣམ་པ་བཞི་དག་དང་།། ཁོ་ན་ཉིད་བཞི་སྤྱོད་པར་བྱེད།། མ་ཧཱ་ཡོ་གའི་སྤྱོད་པ་ནི།། ཐབས་དང་ཤེས་རབ
40a2 གཉིས་སྒོ་ནས།། འགྲོ་དོན་མཐའ་རུ་ཕྱིན་པར་སྤྱོད།། ཨ་ནུ་ཡོ་གའི་སྤྱོད་པའི་གནས་སྐབས་ནི།། གཉིས་སུ་མེད་པའི་ཚུལ་གྱིས་སུ།། དབྱིངས་དང་ཡེ་ཤེས་རྣམ་པ་གཉིས།། གཉིས་མེད་གཅིག་ལ་ཡོངས
40a3 སུ་སྤྱོད།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཐེག་པ་བརྒྱད་ཀྱི་སྤྱོད་པ་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། སྟོན་པ་ཐུགས
40a4 རྗེ་ཟབས་ཀྱི་བདག། དེ་ཡིས་འཇུག་སྒོ་བསྲུང་མཚམས་དང་།། སྒྲུབ་པའི་ཐབས་རྣམས་ཇི་ལྟར་ལགས།། སོ་སོའི་འབྲས་བུ་ཅི་ལྟར་སྨིན།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ངེས་ཟུང
40a5 ཞིག། ཞུགས་ནས་དེ་ཡི་དོན་སྤྱོད་པས།། སོ་སོའི་འཇུག་སྒོ་སྤྱོད་པར་བསྡུ།། ལྟ་བའི་དོན་ལས་མི་འདའ་བས།། སོ་སོའི་དམ་ཚིག་ལྟ་བར་བསྡུ།། སོ་སོའི་ལྟ་བ་གོམས་པས་བསྒྲུབ་པའི་མཆོག། དེ་ལ་དེ་ཉིད་དེར
40a6 བསྡུས་པའོ།། ཐེག་པ་སོ་སོའི་འབྲས་བུ་ནི།། ལྟ་བ་མངོན་དུ་གྱུར་པ་འབྲས་བུའི་མཆོག། ཉན་ཐོས་དག་གི་འབྲས་བུ་ནི།། ལྷ་སྒོམ་སྤྱོད་པ་མཐར་ཕྱིན་པས།། འབྲས་བུ་ཟུང་བཞི་ཡ་བརྒྱད་སྨིན།། རང་རྒྱལ་དག་གི།
iiif viewer powered by OpenSeadragon
