| e-texts navigator |
| Wylie |
39b1 དང་།། ཚྭ་ཚྭ་བརྐོས་ཕོར་ནང་ནས་བཏོན་པ་བཞིན།། སྐད་ཅིག་མ་ལ་གསལ་བར་བསྒོམ།། བསམ་ཏན་ཡན་ལག་སྔོན་སོང་ནས།། དངོས་གཞི་བྱེ་བྲག་དེ་ལྟར་བསྒོམ།། དགོས་ཆེད་མཐར་ཕྱིན་འབྲས་བུ་ཐོབ།། ཅེས
39b2 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེག་པ་བརྒྱད་ཀྱི་བསྒོམ་པ་བསྟན་པའི་ལེའུ་སྟེ་བཞི་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། རང་རང་དོན་ལ་བསྒོམ་དུས
39b3 སུ།། སྤྱོད་པའི་བྱེ་བྲག་ཇི་ལྟར་སྤྱད།། ཅེས་ཞུས་སོ།། སྟོན་པས་བཀའ་སྩལ་པ། གསང་བའི་བདག་པོ་ལེགས་པར་ཟུང་ཞིག། ཐེག་བརྒྱད་རང་གི་སྤྱོད་པ་བསྟན།། སྡུག་བསྔལ་རྩོལ་བསྒྲུབ་བཅས་པར་སྤྱོད།། སྤྱོད་པ
39b4 བླང་དོར་མེད་པར་མ་རྟོགས་པས།། ཐུན་མོང་མ་ཡིན་བླང་དོར་སྤྱོད།། ཉན་ཐོས་སྤྱོད་པའི་ཁྱད་པར་ནི།། མ་བྱིན་ལེན་དང་མི་ཚངས་སྤྱོད།། སྲོག་གཅོད་རྣམ་པར་སྤང་པ་སྟེ།། ལུས་ཀྱི་སྤྱོད་པ་རྣམ་པར་དག། ངག
39b5 གི་སྤྱོད་པ་དག་པ་ནི།། རྫུན་དང་ངག་འཁྱལ་ཕྲ་མ་དང་།། ཞེ་གཅོད་ཚིག་རྣམས་མེད་པར་སྤྱོད།། ཡིད་ཀྱི་སྤྱོད་པ་དག་པ་ནི།། བརྣབ་སེམས་གནོད་སེམས་ལོག་ལྟ་བྲལ་བ་ཡིན།། དགེ་བཅུ་རྣམས་ནི་རང་གི་དོན
39b6 དུ་སྤྱོད།། རང་རྒྱལ་བ་ཡི་སྤྱོད་པ་ནི།། རྫུ་འཕྲུལ་ཡ་མ་ཟུང་འགའ་ཡིས།། འགྲོ་དོན་ཤས་ཙམ་སྤྱོད་པར་བྱེད།། བྱང་ཆུབ་སེམས་པའི་སྤྱོད་པ་ནི།། ཚད་མེད་བཞི་དང་བསྡུ་བ་བཞི།། གཙོ་རུ་གཞན་གྱི་དོན་དུ་སྤྱོད།། ཀྲི
iiif viewer powered by OpenSeadragon
