| e-texts navigator |
| Wylie |
37b1 དོ།། ལོ་ཉི་ཤུ་རྩ་བཞིན་མྱ་ངན་ལས་འདའ་ཁར་ཞལ་ཆེམས་རྣམ་པ་གསུམ་བཤད་དོ།། རྗེས་འཇུག་གི་དོན་དུ་སྤྲོས་བྲལ་དོན་གསལ་དང་གཅིག། གཅིག་ཤེས་ཀུན་གྲོལ་དང་གཉིས། རིན་ཆེན་ཀུན་འདུས་དང་གསུམ
37b2 བཤད་དོ།། ངའི་རྗེས་སུ་ནི་འཇུག་ལ་ང་དང་ཕྲད་པའི་སྐལ་བ་མེད་པ་རྣམས་ཀྱི་དོན་དུ་བཞག་པའོ།། ངའི་སྐུ་གསུམ་གྱི་གདུང་རྟེན་དེ་བཞིན་དུ་བཞག་ནས། ང་ཡོངས་སུ་མྱ་ངན་ལས་འདས་སོ།། ཞེས་མ་འོངས་པའི
37b3 དོན་དུ་དེ་སྐད་སྨྲོས་ཤིག། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྦྲུལ་སྐུའི་དོན་འཛད་ལུགས་བསྟན་པའི་ལེའུ་སྟེ་སོ་བརྒྱད་པའོ།། །། དེ་ནས་ཡང་སྟོན་པས་མཚོན་པ་བསམ་གྱི
37b4 མི་ཁྱབ་པའི་དགོངས་པ་ལ་བཞུགས་སོ།། དེའི་ཚེ་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཐབས་ཀྱི་བདག། ལྡེམ་པོའི་དོན་ལ་དགོངས་པ་ཡི།། ཐེག་བརྒྱད་དོན་རྣམས་གསུང་དུ་གསོལ།། ཞེས་ཞུས
37b5 སོ།། རིན་པོ་ཆེ་མཆོད་རྟེན་བང་རིམ་དགུ་པའི་སྟེང་ནས་སྟོན་པ་གཡུའི་བྱ་ཁུ་བྱུག་སྐད་ལན་བཞིན་འདོན་པའི་མན་ངག། སྭཱ་ཧཱ་སརྦ་ཡཱ་ན་པྲ་ས་ར་ཡ་དུས་ཡ། སྟོན་པས་བཀའ་སྩལ་པ། ཀྱེ་ཀྱེ་གསང་བའི་བདག་པོ
37b6 ལེགས་པར་ཟུང་ཞིག། ང་དང་ང་ཡི་སྤྲུལ་པ་ཡིས། ཐུན་མོང་སྤྱི་དང་ཁྱད་པར་གྱི་འཁོར་གདུལ་བྱ་རྣམ་པ་གཉིས་ལ། ལྡེམ་དགོངས་སུ་བསྟན་པའོ།། ལྡེམ་པོའི་ལྟ་བ་འདི་ལྟར་ཏེ།། ཉན་ཐོས་རང་རྒྱལ་སེམས་དཔའ
iiif viewer powered by OpenSeadragon
