| e-texts navigator |
| Wylie |
37a1 བཅོམ་ལྡན་འདས་སངས་རྒྱས་དང་དྲི་མ་དག་ཚུལ་བསྟན་པའི་ལེའུ་སྟེ་སོ་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ།། སྐུ་གསུམ་ཐུགས་རྗེ་མ་འགགས་པས།། འགྲོ་དོན་མཛད
37a2 ཚུལ་ཇི་ལྟར་ལགས།། སྟོན་པས་བཀའ་སྩལ་པ། རིགས་ཀྱི་བུང་དང་པོ་བྱིས་པ་ལོ་བརྒྱད་ལོན་པའི་ཚད་དུ་སྐྱེས་སོ།། དེ་ནས་ལོ་བརྒྱད་ཀྱི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ལྔའི་འཁོར་ལོ་བསྐོར་ནས། རྟོགས
37a3 པས་བདག་བསྒྲལ་ཏེ། དགོངས་པ་ཉིད་ལ་ཉིད་འགྲེལ་ལོ།། དེ་ནས་ལོ་བརྒྱད་ཀྱི་བར་དུ་སྤྲུལ་པ་མང་དུ་ཕྱུང་ནས་འགྲོ་བའི་དོན་བྱས་ཏེ། ལྷ་གནས་དང་པོར་འཁོར་རྣམས་ཀྱི་སྡུག་བསྔལ་གྱི་གདུང་པ་བསལ་ཏེ། རིན
37a4 པོ་ཆེའི་དར་སྐུད་ལ་མུ་ཏིག་གི་ཕྲེང་བ་བརྒྱུས་ནས་འཁོར་ལོ་ཕྱིར་བསྐོར་ཏེ། ཐུགས་རྗེ་གཞན་བསྒྲལ་བའི་ཕྱིར། ལྡེམ་པོའི་དོན་ལ་དགོངས་ནས་ཐེག་པ་ཐུན་མོང་རྣམས་བཤད་དོ།། དེ་ནས་ཡང་མེ་རི་འབར་བའི་རྩེ
37a5 མོ་ལ་སངས་རྒྱས་ཀྱི་བདེན་པ་ངེས་པར་མཐོང་ནས། སྣང་བ་སྟོང་པའི་ཆོས་རྣམས་བཤད་དོ།། དེ་ནས་བྱ་རྒོད་ཕུང་པོའི་རི་ལ། རྒྱུད་ཆེན་པོ་གསང་བ་རྨད་དུ་བྱུང་བ་རྣམས་ཐུགས་ལས་བཀྲོལ། མགུར་གྱི་བུམ་པ་ལ
37a6 འདྲི་ལ། ལྗགས་ཀྱི་པདྨ་ལ་བསྐྱོན། ཡོན་ཏན་རྣམ་པ་ལྔའི་རྣམ་པར་ཤེས་པས་བཀྲམས། རིག་པའི་ཁུ་བྱུག་གསུང་དབྱངས་ཡན་ལག་དྲུག་ཅུ་དང་ལྡན་པ་གཅིག་ཏུ་བཤད་དེ། འཁོར་གྱི་བློའི་ཐེ་ཚོམ་དང་སྤྲོས་པ་བཅད
iiif viewer powered by OpenSeadragon
