| e-texts navigator |
| Wylie |
36b1 ཡིན།། ཡང་གསང་བའི་བདག་པོས་ཞུས་པ། སྐུ་གསུམ་འདས་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུ་མཐའ་རྣམས་ཀུན་ལས་འདས།། ལོངས་སྐུ་གཟུང་འཛིན་འཁོར་བའི་ཆོས
36b2 ལས་འདས།། སྦྲུལ་སྐུ་ཤེས་རབ་ཆེན་པོ་ཐུགས་རྗེའི་ཐབས་ལྡན་པས།། འཁོར་འདས་གཉིས་ཀའི་མཐའ་ལ་མི་གནས་འདས།། འདས་ལུགས་མང་ཡང་བསྡུས་ནས་བསྟན་པ་ཡིན།། ཞེས་གསུངས་སོ།། ཡང་གསང
36b3 པབའི་བདག་པོས་ཞུས་པ། ཆོས་སྐུའི་སངས་རྒྱས་ཇི་ལྟར་ལགས།། ལོངས་སྐུའི་སངས་རྒྱས་ཇི་ལྟར་ལགས།། སྦྲུལ་སྐུའི་སངས་རྒྱས་ཇི་ལྟར་ལགས།། ཞེས་ཞུས་སོ།། སྟོན་པའི་བཀའ་སྩལ་པ། ཆོས་སྐུ་མཚན་མའི་ཆོས
36b4 གཉིས་སུ་སྣང་བ་ཐམས་ཅད་སངས།། རང་གསལ་གཉིས་མེད་ཡེ་ཤེས་རྒྱས།། ལོངས་སྐུ་འཁོར་བའི་ཆོས་རྣམས་སངས།། རྣམ་པ་ཐམས་ཅད་མཁྱེན་ཉིད་དང་།། སྐུ་ཡི་ཆེ་བའི་ཡོན་ཏན་རྒྱས།། སྤྲུལ་པའི་སྐུ་ཡི་མ
36b5 རིག་པ་དང་།། ལོགས་པར་ལྟ་བ་ཐམས་ཅད་སངས།། འཁོར་བ་འཁྲུལ་པའི་སྣང་བ་སངས།། ཤེས་རབ་ཐབས་དང་ཐུགས་རྗེ་རྒྱས།། ཞེས་གསུངས་སོ།། ཡང་གསང་བའི་བདག་པོས་ཞུས་པ། སྐུ་གསུམ་དྲི་མ་ཇི་ལྟར
36b6 དག། སྟོན་པས་བཀའ་སྩལ་པ།། ཆོས་སྐུ་ངོ་བོ་ཉིད་ཀྱི་དྲི་མ་དག། ལོངས་སྐུ་ཤེས་བྱའི་དྲི་མ་དག། སྦྲུལ་སྐུ་ཉོན་མོངས་དྲི་མ་དག། ཅེས་གསུངས་སོ།། སྤྲོས་བྲལ་དོན་གསལ་རྒྱུད་ཆེན་པོའི་རྒྱུད་ལས། སྐུ་གསུམ་གྱི
iiif viewer powered by OpenSeadragon
