| e-texts navigator |
| Wylie |
36a1 སྐུའི་བདུད་འཇོམས་ཇི་ལྟར་ལགས།། ལོངས་སྐུའི་འདུད་འཇོམས་ཇི་ལྟར་ལགས།། སྦྲུལ་སྐུའི་བདུད་འཇོམས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུ་འགག་པ་མེད་པས
36a2 འཆི་བདག་གི་བདུད་བཅོམ། མཚན་མ་མེད་པས་ཕུང་པོའི་བདུད་བཅོམ། དེ་གཉིས་སུ་མེད་པས་ཉོན་མོངས་པའི་བདུད་དང་ལྷའི་བུའི་བདུད་བཅོམ། དེ་ནི་ངང་གིས་བཅོམ་པ་ཡིན། སྲོག་མེད་སྐུ་ལྔས་འཆི་བདག་གི
36a3 བདུད་བཅོམ། ཡེ་ཤེས་སྒྱུ་མས་ཕུང་པོའི་བདུད་བཅོམ། སེམས་རྟོག་མེད་ཀྱིས་ཉོན་མོངས་པའི་བདུད་དང་ལྷའི་བུའི་བདུད་བཅོམ། ཆོས་སྐུ་དོན་ལྡན་རྟོགས་པའི་འཆི་བདག་གི་བདུད་བཅོམ། རྡོ་རྗེ་སེམས་དཔའ
36a4 སྤྲུལ་པའི་སྐུའི་དོན་ལྡན་རྟོགས་པས་ཉོན་མོངས་བདུད་དང་ལྷའི་བུའི་བདུད་ཀྱང་དེ་བཞིན་བཅོམ། ལོངས་སྐུའི་དོན་ལྡན་རྟོགས་པའི་ཕུང་པོའི་བདུད་ཀྱང་བཅོམ། ཞེས་གསུངས་སོ།། ཡང་གསང་བའི་བདག་པོས
36a5 ཞུས་པ། ཆོས་སྐུའི་ལྡན་ལུགས་ཇི་ལྟར་ལགས།། ལོངས་སྐུའི་ལྡན་ལུགས་ཇི་ལྟར་ལགས།། སྦྲུལ་སྐུའི་ལྡན་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུ་ཡོན་ཏན་སྒོ་ཡངས་པས།། ཡེ
36a6 ཤེས་ལྔ་དང་སྐུ་གཉིས་ལྡན།། ལོངས་སྐུ་མཚན་དང་དཔེ་བྱད་ལྡན།། དགོངས་པ་ཡེ་ཤེས་ལྔ་དང་ལྡན།། མངོན་པར་ཤེས་པའི་ཆོས་དྲུག་ལྡན།། སྦྲུལ་སྐུ་ཆོ་འཕྲུལ་རྫུ་འཕྲུལ་ལྡན།། ཟུར་ཙམ་བསྡུས་ནས་བསྟན་པ
iiif viewer powered by OpenSeadragon
