| e-texts navigator |
| Wylie |
35b1 སྐུའི་རྣམ་གྲངས་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། སྐུ་གསུམ་ཡེ་ནས་སངས་རྒྱས་པའི།། སངས་རྒྱས་ངོ་བོ་ངེས་ཚིག་དང་།། དབྱེ་བ་རྣམ་གྲངས་གསུང
35b2 དུ་གསོལ།། ཞེས་ཞུས་པས་སྟོན་པས་བཀའ་སྩལ་པ། སངས་རྒྱས་ཀྱི་ངོ་བོ་དྲི་མ་མེད་པའི་ཡེ་ཤེས་སོ།། ངེས་ཚིག་ནི་ཉོན་མོངས་པའི་དྲི་མ་དག་ཅིང་། མཁྱེན་པའི་ཡེ་ཤེས་རྒྱས་པས་ནའོ།། དབྱེ་ན་གཉིས་ཏེ་གཞི་ལྷུན
35b3 གྲུབ་དང་། རྟོགས་པ་མངོན་གྱུར་ཞེས་བྱའོ།། དེ་ལ་ནི་གོང་གི་གཞི་དེའི་མཚན་དང་ལྡན་པས་ན། སངས་རྒྱས་ཞེས་བྱའོ།། ཆོས་སྐུ་ལས་ལོངས་སྐུ་མཆེད་ཅིང་། དེས་སྦྲུལ་སྐུར་སྟོན་པ་སྟེ། སྦྲུལ་སྐུས་འགྲོ་བ་ལ་འཆད
35b4 པའི་ཕྱིར་ན་སྟོན་པའོ།། རྟོགས་པའི་ཤེས་རབ་ཀྱིས་ལོག་པར་རྟོགས་པའི་བདུད་བཅོམ་སྟེ། མཁྱེན་པའི་སྟོབས་དང་ལྡན་ཞིང་། གཟུང་འཛིན་གྱི་མཐའ་ལས་འདས་པས་ན་བཅོམ་ལྡན་འདས་སོ།། དེ་ལྟར་མཁྱེན
35b5 པས་རྟོགས་པ་བདག་གིས་དཔལ་ལོ། ཀུན་གྱི་དོན་བྱེད་ཅིང་འཆད་པས་ན་ཐུགས་རྗེ་གཞན་གྱི་དཔལ་ལོ།། འགྲོ་བའི་མ་རིག་པའི་མུན་པ་སེལ་བའི་སྒྲོན་མའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི
35b6 རྒྱུད་ལས། སངས་རྒྱས་ཀྱི་ངོ་བོ་ངེས་ཚིག་དབྱེ་བ་དང་། མཚན་མདོར་བསྡུས་ནས་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཆོས
iiif viewer powered by OpenSeadragon
