| e-texts navigator |
| Wylie |
35a1 སྤྲུལ་པའོ།། དེ་བཞིན་ཆོས་སྐུ་སྐུ་གསུམ་གྱི་བཞག་ལུགས་དང་སྦྲུལ་སྐུ་སྐུ་གསུམ་གྱི་བཞག་ལུགས་ཀྱང་ཤེས་པར་བྱའོ།། སྐུའི་ཆེ་བ་ཡོངས་སུ་རྫོགས་ཏེ་གདུལ་བྱ་འཁོར་སྨིན་པ་རྣམས་ལ་མངོན་པར
35a2 སྣང་བས། འབྲས་བུ་མངོན་པར་གསལ་བའི་དུས་ཤེས་པར་བྱའོ།། ཐུགས་ཀྱི་མཁྱེན་པས་ཡར་ཆོས་སྐུར་གསལ་ཞིང་། སྤྱན་གྱི་སྤྲུལ་པས་མར་སྤྲུལ་སྐུར་གསལ་ཏེ། བར་ན་སྐུ་མཆོག་གསལ་བས་ན། རྣམ་པར་བཞག
35a3 པའོ།། ཆོས་ཀྱི་སྤྱན་གྱིས་རྣམ་རྟོག་མི་མངའ་བས་གཟིགས་ལ་ཞལ་གྱི་བར་ནས་ཡི་གེ་དྲུག་གིས་འོད་འཕྲོ་བས། འཛམ་བུ་གླིང་བྱེ་བ་ཕྲག་བརྒྱ་ན་རྡོ་རྗེ་སེམས་དཔར་གསལ་ཞིང་། འགྲོ་དྲུག་སྤྱིའི་སྣང་ན་ཐུབ
35a4 པ་དྲུག་གནང་བས། ཐུགས་རྗེ་འབྱུང་བའི་སྐུ་གསུམ་ནི། ཐུགས་རྗེ་འབྱུང་ལུགས་པར་པ་ནས་འབྱུང་བའི་ཕྱིར་རོ།། དེས་སེམས་ཅན་གྱི་དོན་དངོས་མཛད་པས་སྤྲུལ་པའི་སྐུ་སྟེ། འགྲོ་བ་འདུལ་བའི་སྐུ་གསུམ་མོ།། མ
35a5 འགགས་པ་སྤྲུལ་པའི་སྐུ་སྟེ། རྩལ་ལམ་ཐུགས་རྗེ་དེ་ལྟར་སྣང་བའོ།། དེ་ནས་ཆོས་སྐུ་ཞེས་པ་དང་། ལོངས་སྐུ་ཞེས་པ་དང་། ཐུགས་རྗེ་ཞེས་པ་དང་། སྤྲུལ་པའི་སྐུ་ཞེས་པ་དང་། མགོན་པོ་ཞེས་པ་དང་། དཔལ་ཞེས
35a6 པ་དང་། སྐྱབས་ཞེས་པ་དང་། སྟོན་པ་ཞེས་པ་དང་། འཇིག་རྟེན་གྱི་སྒྲོན་མ་ཞེས་པ་མདོར་བསྡུས་ནས་བསྟན་པའོ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། སྐུ་གསུམ་མཚོན་པའི་ཚིག་དང
iiif viewer powered by OpenSeadragon
