| e-texts navigator |
| Wylie |
34a1 བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་མཚོན་ཚིག་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ཀྱེ་གསང་བའི་བདག་པོ། ངས་བསྟན་རྒྱུད་ལུང་ཐམས་ཅད
34a2 དུ། ངོ་བོ་ངེས་ཚིག་དབྱེ་བ་རྣམ་གྲངས་གང་བྱུང་ཡང་།། ངས་བསྟན་གོང་བཞིན་ཤེས་པར་གྱིས་ཤིག། ཡང་གསང་བའི་བདག་པོས་ཞུས་པ། རྣམ་གྲངས་དོན་རྣམ་གསུང་དུ་གསོལ།། ཞེས་ཞུས་སོ།། སྟོན་པས་བཀའ
34a3 སྩལ་པ། ངོ་བོ་ནི་མ་བྱས་པ། མ་བཅོས་པ། མ་སྨད་པ། མི་འགྱུར་བ་རང་བཞིན་རྣམ་པར་དག་པ། འདུས་མ་བྱས་པའི་ཡེ་ཤེས་ཆེན་པོ།། ནམ་མཁའི་ལྟ་བུའི་ཆོས་ཉིད། སྟོང་པ་རྡོ་རྗེའི་ཆོས་ཅན། རིག་པ་དངོས་མེད
34a4 ཡེ་དག་ཟང་ཐལ་ཆེན་པོའོ།། རང་བཞིན་ནི་གཞི་གནས་ཀྱི་ཡེ་ཤེས་ཆེན་པོ་ལ། མཚན་ཉིད་འཛིན་པའི་ཡེ་ཤེས་ལྔ། མ་འགགས་པར་ངོ་བོ་ནང་ན་འོད་གསལ་བའོ།། ཐུགས་རྗེ་ནི་སྙིང་པོ་སྐུ་ལྔ། ཕྱག་རྒྱ་མི་འགགས
34a5 པར་གསལ་བའོ།། རིགས་ཀྱི་བུ་ངོ་བོ་ཆོས་ཀྱི་སྐུ། རང་བཞིན་ལོངས་སྐུ། ཐུགས་རྗེ་སྦྲུལ་སྐུ་སྟེ། ཐམས་ཅད་ཀྱི་གཞི་མ་འགགས་པར་གནས་པས་གཞི་གནས་ཀྱི་སྐུ་གསུམ་མོ།། རྒྱུ་དག་པ་ཆོས་ཀྱི་སྐུ་ལ། འབྲས་བུ
34a6 དག་པ་ཆོས་ཉིད་གཟུགས་སྐུ་གཉིས་ནང་གསལ་དུ་གནས་པ་ནི། ཡོན་ཏན་དུ་གྲུབ་པ་སྟེ། གཞི་ལ་གྲུབ་པའི་སྐུ་གསུམ་ཞེས་བྱའོ།། སྐུ་གསུམ་ཛ་ལོག་ཞེས་བྱ་བ་ནི། མཚན་ཉིད་སྡེ་གསུམ་ལས་ཛ་ལོག་སྟེ། འདུས
iiif viewer powered by OpenSeadragon
