| e-texts navigator |
| Wylie |
347b1 ལ།། ངེས་པའི་དགོས་ཆེད་བཀའ་སྩལ་པ།། རང་རང་རྟོགས་པ་འདིར་སྨྲོས་ཤིག། དེ་སྐད་གསུངས་པའི་དོན་གསན་ནས།། རྣམ་པར་གཟིགས་ལ་སོགས་པ་ཡི།། སྔོན་བྱུང་སངས་རྒྱས་རྣམ་བདུན་གྱིས།། རང་རང
347b2 རྟོགས་པའི་དོན་བརྗོད་པ།། རིག་པ་འགག་མེད་ཆོས་ཀྱི་སྐུ།། རྟོགས་པ་བརྗོད་མེད་རང་ཡིད་ཆེས།། མ་བཙལ་རང་སར་འགྱུར་བ་མེད།། དྲན་པ་སྐྱོན་བྲལ་དང་དུ་བཞག། སྣང་མེད་རང་སེམས་ཆོས་སྐུར
347b3 གསལ།། རང་ལུས་ད་ལྟ་ཉམས་པ་མེད།། དངོས་མེད་རིག་པ་སྟོང་པར་གསལ།། ལོག་པར་དད་སེལ་ལ་སོགས་པའི།། ད་ལྟའི་སངས་རྒྱས་རྣམ་བདུན་གྱིས།། རང་རང་རྟོགས་པ་ཡང་གསུངས་པ།། རང་བྱུང་ཀུན
347b4 ཁྱབ་ཡེ་ཤེས་གསལ།། སལ་ལེ་མི་རྟོག་ད་ལྟ་ཉིད།། ནང་གསལ་ཡུལ་ལ་མ་ཡེངས་པ།། དངོས་མེད་གསལ་བ་བསྒོམ་མི་དགོས།། རང་ལུས་རང་སེམས་ཆོས་ཉིད་དོན།། ངོ་བོ་འགྱུར་མེད་མ་བཅོས་པ།། ཐ་མལ་སྙིང
347b5 པོ་རྟོགས་པའི་སྐུ།། བྱམས་པ་ལ་ནི་སོགས་པ་ཡི།། མ་བྱོན་སངས་རྒྱས་རྣམ་པ་བདུན།། རང་རང་རྟོགས་པ་ཡང་གསུངས་པ།། ཤེས་པ་འཛིན་མེད་ཡེ་ཤེས་གྲུབ།། ཅིར་སྣང་དགག་བསྒྲུབ་མེད་པར་ཟད།། སྔ་ཕྱི
347b6 ཡེངས་མེད་ཡེ་ཤེས་རྒྱུན།། རྣལ་དུ་རིག་པ་འགྱུར་བ་མེད།། སྐྱེ་མེད་རྟོགས་པ་བྱང་ཆུབ་སྐུ།། བརྗོད་མེད་ཏིང་འཛིན་འབྱུང་འཇུག་མེད།། རང་སེམས་མ་བཅོས་དོན་ལ་ཞོག། དུས་གསུམ་སངས་རྒྱས་དེ་དག
iiif viewer powered by OpenSeadragon
