| e-texts navigator |
| Wylie |
347a1 ཉིད་མི་འགྱུར་བརྟན།། དེ་ལྟར་དོན་ལ་ཡེ་གནས་ཕྱིར།། འབྲས་བུ་རིག་པ་ད་ལྟ་ཉིད།། དེ་ཉིད་མ་བརྗེད་རྒྱུན་གསལ་ན།། མི་གནས་མྱ་ངན་འདས་ཞེས་བྱ།། རྫོགས་པ་ཆེན་པོ་འཁོར་བ་རྩད་ནས
347a2 གཅོད་པ། ཆོས་སྐུ་སྐྱེ་མེད་རིག་པའི་རྒྱུད་ལས། སྣང་མེད་སེམས་ཀྱི་རིག་པ་རྟོགས་དུས་བསྟན་པའི་ལེའུ་སྟེ་ཉེར་གཅིག་པའོ།། །། ད་ཡང་རྡོ་རྗེ་སེམས་དཔའ་ཉོན།། ང་ཡི་མཛད་སྤྱོད་ཆེན་པོ་ནི།། སྐུ་མེད
347a3 གཟུགས་སྐུར་འབྱུང་བ་ནི།། ཐམས་ཅད་ཟིལ་གྱིས་གནོན་པར་བྱེད།། ཚིག་མེད་རིག་པའི་གསུང་གིས་ནི།། སངས་རྒྱས་བསྟན་པ་རྒྱས་པར་བྱེད།། རྣམ་པར་རྟོག་མེད་ཡེ་ཤེས་ཟུགས།། ཅིར་ཡང་ས་ལེ་ཐམས་ཅད
347a4 མཁྱེན།། སྟོང་གསུམ་འཇིག་རྟེན་གསུམ་པོ་ཡང་།། ང་ཡི་བཞུགས་གནས་གཟིགས་མོར་འོས།། སྐུ་གསུང་ཐུགས་ཀྱི་རོལ་པ་སྟེ།། རེ་རེ་ལ་ནི་གསུམ་གསུམ་དང་།། དབྱེ་བ་རྣམ་པ་དགུ་ཡིས་ནི།། ད་ལྟ་ཆོས་སྐུ་ཁ་མིག
347a5 ཅན།། ལུས་དང་བྲལ་བའི་སྐད་ཅིག་ལ།། སངས་རྒྱས་རྒྱལ་པོ་ཡེ་ཤེས་སྐུ།། གཟུགས་སྐུ་རྣམ་གཉིས་ཤུགས་ལ་འཆར།། སེམས་ཅན་བསམ་པའི་ཁྱད་པར་ལས།། ཡིད་བཞིན་དབང་པོ་གང་འཐད་སྟོན།། རྫོགས་པ
347a6 ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། ཡོན་ཏན་གྱི་གདུལ་བྱ་བསྟན་པའི་ལེའུ་སྟེ་ཉེར་གཉིས་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ནི་རྣམ་བཞི
iiif viewer powered by OpenSeadragon
