| e-texts navigator |
| Wylie |
346b1 པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། ལྷ་སྤྱོད་ཉམས་པ་བསྐང་བའི་ཚད་བསྟན་པའི་ལེའུ་སྟེ་ཉི་ཤུ་པའོ།། །། ད་ཡང་འདུས་པའི་འཁོར་རྣམས་ཉོན།། འཁོར་འདས་འབྱུང
346b2 བའི་རྩ་བ་ནི།། ཕ་མ་མེད་པའི་བུ་བཞི་ཡིན།། དེ་ཡང་གདོད་ནས་གཅིག་ལས་གཉིས།། གསུམ་ལས་འབྲེལ་ཡོད་གཅིག་ལ་མེད།། རྩ་བ་བཞི་ཡི་དོན་ཤེས་པས།། སྐལ་ལྡན་རྣམས་ཀྱིས་རང་རིག་པ།། བདེན་མཐོང
346b3 སྣང་མེད་རྟོགས་དུས་འདིར།། ཚིག་ཏུ་བརྗོད་པར་མི་ནུས་ཀྱང་།། སེམས་ལ་གསལ་པོར་ཡོད་པའི་ཕྱིར།། རིག་པའི་ཡེ་ཤེས་ཆོས་ཉིད་མཐོང་།། དུས་གསུམ་དག་ཏུ་སྐྱེ་འགགས་མེད།། མཚན་མར་མཐོང་བ་ཅི་ཡང
346b4 མེད།། རིན་ཆེན་འདམ་ཁུང་སྟོར་གྱུར་ཀྱང་།། དེ་ཡི་ཡོན་ཏན་མཁའ་ལ་འབྱུང་།། དེ་བཞིན་རང་སེམས་ངོ་བོ་ཉིད།། མངལ་དུ་རང་སེམས་བྱིང་གྱུར་ཀྱང་།། རང་བྱུང་གདོད་ནས་རང་གསལ་ཕྱིར།། ཡེ་ཤེས་ཆེན་པོ
346b5 རྒྱུན་མི་ཆད།། ད་ཡང་རྡོ་རྗེ་སེམས་དཔའ་ཉོན།། ལུས་ཀྱི་ནང་ན་ཆོས་སྐུ་གསལ།། ནང་སྒོ་ལྔ་ཡི་འོད་ཤར་བས།། སྣང་བ་གྲོགས་སུ་འོང་བ་རྣམས།། དེ་ཚེ་ཡུལ་དང་འབྲེལ་པ་མེད།། ཅང་ཤེས་རེག་འཇམ་ནམ་མཁའ
346b6 ལྡིང་།། རྒྱ་མཚོ་གསེར་དང་མཆོག་རབ་བཞིན།། སེམས་ཀྱིས་གར་ཕྱིན་ཆོས་སྐུར་གསལ།། ཡུལ་གྱི་གཟུང་འཛིན་སྐྱོན་མི་གོས།། རིག་པ་ཟོ་ཐུབ་བག་ཟོན་ལྡན།། འཁོར་བར་གནས་ཀྱང་གོལ་ས་མེད།། དེ་ཕྱིར་ཆོས
iiif viewer powered by OpenSeadragon
