| e-texts navigator |
| Wylie |
346a1 དོན།། ཉམས་ཀྱི་རིམ་པ་ལྔ་ལྡན་པས།། རྟགས་ཆེན་གསུམ་གཉིས་ཤུགས་ལས་འབྱུང་།། དེ་ཚེ་བདུད་ཀྱི་སྤྱོད་ཡུལ་ནི།། བཞི་གསུམ་དྲུག་འབྱུང་ཟིལ་གནོན་ན།། ངེས་པ་དོན་གྱི་རྟགས་ཡིན་པས།། དེ
346a2 ཕྱིར་བར་དོར་སངས་རྒྱས་འགྲུབ།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། གེགས་སེལ་བའི་ཡོན་ཏན་བསྟན་པའི་ལེའུ་སྟེ་བཅུ་དགུ་པའོ།། །། སེམས་དཔའ་ཆེན
346a3 པོས་ཡང་གསོལ་པ།། འབྲས་བུ་ཡོན་ཏན་གདུལ་བྱ་ནི།། ལྷ་དམ་ཉམས་པ་སྐོང་ཐབས་དང་།། རྩ་བ་གཅིག་པའི་བདེན་རྟོགས་ན།། སངས་རྒྱས་མཛད་སྤྱོད་ཇི་ལྟར་སྤྱད།། ཀུན་རིག་རྒྱལ་པོས་བཤད་དུ་གསོལ།། དེ
346a4 སྐད་ཞུས་པའི་དོན་གསན་ནས།། འཁོར་རྣམས་ལ་ནི་བཀའ་སྩལ་པ།། ལྟ་སྤྱོད་ལ་སོགས་ཉམས་བསྐང་བ།། ཉེས་འགྱོད་ཡིད་ལ་བྱས་ནས་སུ།། བླ་མ་མཁས་པའི་དོན་ལྡན་ནས།། དབང་རྣམས་རིམ་པར་མནོས་ནས
346a5 ནི།། རང་སེམས་དབང་བཙུག་དོན་ཞུས་ནས།། རྒྱུན་དུ་མི་གཏོང་གུས་པས་མཆོད།། དེ་ལ་རྟག་ཏུ་གནས་པར་བྱ།། དེ་བསྐང་གདེང་ཆེན་བདུན་ལྡན་པས།། ད་ལྟ་ཉིད་དུ་སངས་རྒྱས་ཐུགས།། གསེར་སྦྲུལ་མིག་གིས
346a6 འདོད་ཡོན་ལྔ།། དུས་གཅིག་ཉམས་སུ་མྱོང་བ་བཞིན།། ཅི་སྤྱོད་སངས་རྒྱས་ཡེ་ཤེས་ཐུགས།། སེམས་ཅན་འགྲོ་དོན་བཙལ་མི་དགོས།། མི་ལུས་ལྡན་པ་དེ་ཉིད་ལ།། ལྷ་མིས་ཕྱག་འཚལ་མཆོད་པར་འགྱུར།། རྫོགས
iiif viewer powered by OpenSeadragon
