| e-texts navigator |
| Wylie |
345a1 བརྒྱད་ལྡན་པ་ལ།། ངེས་པའི་སངས་རྒྱས་རྩོལ་མེད་འགྲུབ།། དེ་ཡང་འཁོར་གྱི་སྙིང་པོ་ཉོན།། ཕྱི་རོལ་ཡང་དག་རྣམ་པ་བཞི།། གསང་སྔགས་གསང་ཆེན་ཕྱི་ནང་ལྔས།། ཡུལ་ཉིད་སེམས་སུ་འཛིན་པ
345a2 དེ།། ལུང་ལྡན་རྐྱེན་གྱི་གདམས་ངག་གིས།། འབྱུང་བཞིའི་ལུས་དང་འབྲལ་མེད་ཤེས།། འཁྲུལ་པ་ལོགས་པའི་རྟགས་བརྒྱད་གཉིས།། དེ་ལྡན་རྣལ་འབྱོར་གང་ཡང་རུང་།། སངས་རྒྱས་སྲས
345a3 ལ་རྒྱལ་བའི་ཐུགས།། རིག་འཛིན་གདུང་འཚོ་བ་སྤྲུལ་པའི་སྐུ།། ཡོན་ཏན་ནམ་མཁའི་མཐའ་དང་མཉམ།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། མན་ངག་གི་དབྱེ་བའི་སྒོ
345a4 ནས་འཁྲུལ་པ་ལྡོག་པའི་ཡོན་ཏན་བསྟན་པའི་ལེའུ་སྟེ་བཅུ་བདུན་པའོ།། ། ཀུན་བཟང་ང་ཡི་བྱིན་བརླབས་ཀྱིས།། ཚིག་ཏུ་མ་བཀོད་ཐུགས་ལས་བརྒྱུད།། དོན་གྱི་གཏིང་ཕྱིན་བསྟན་པའི་ཕྱིར།། ཚིག་ཉུང་དོན་དུ
345a5 རྫོགས་པ་ཡིས།། ཐིག་ལེ་ལ་ཤན་དབྱེ་བ་ནི།། མཚན་ཉིད་བརྟགས་པའི་ཐིག་ལེ་དང་།། གསང་སྔགས་གཞི་ཡི་ཐིག་ལེ་དང་།། རྫོགས་ཆེན་སྤྱི་ཡི་ཐིག་ལེ་དང་།། ཡང་ཏིའི་ཐིག་ལེ་ཉག་གཅིག་ལ།། རེ་རེ་ལ་ནི་བཞི
345a6 བཞི་སྟེ།། ངོ་བོ་དཔེ་དང་གཏན་ཚིགས་ཀྱིས།། འགྲོ་ས་ལ་ཤན་དབྱེ་བ་ཡང་།། རྩལ་གྱི་སྒོ་ནས་གསུམ་བསྟན་པ།། སྣང་བ་ཆོས་དབྱིངས་ལ་སོགས་པ།། དབྱེ་བའི་སྒོ་ནས་བཞི་རུ་སྣང་།། ད་ཡང་འདུས་པའི་སྙིང་པོ
iiif viewer powered by OpenSeadragon
